ފުޓުބޯޅަ ކުރިއަރުވަން ވީ ވައުދާއެކު މި ސަރުކާރުން ކުރިއަށްދާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ދުނިޔޭގެ ފުޓުބޯޅައިގެ ދުވަހާ ގުޅިގެން ރައީސް ކުރެއްވި ޕޯސްޓެއްގައި ބުނެފައިވަނީ ފުޓުބޯޅައިގެ ދުވަހުގެ ތަހުނިޔާ ކުޅިވަރު އައިލާގެ އެންމެނަށް ފޮނުވާކަމަށެވެ.
މީގެއިތުރުން ފުޓުބޯޅަ ކުރިއެރުވުމަށް އެމަނިކުފާނު ވެފައިވާ ވައުދާއެއްގޮތަށް ކަންކަން ބައްޓަން ކުރައްވާނެކަަށް ވެސް ރައީސް ވިދާޅުވިއެވެ.
އެގޮތުން ރާއްޖޭގައި ފުޓުބޯޅަ އިންފްރާސްޓްރަކްޗާ ބިނާކުރުމަށް ބޮޑު އަންހަންމިއްޔަތުކަމެއް ދޭނެކަމަށް ވެސް އެމަނިކުފާނު ވިދާޅުވިއެވެ.
ރައީސް ވިދާޅުވީ އެގޮތުން ރާއްޖޭގައި ފީފާ ސްޓޭންޑާޑް ދަނޑުތައް އެޅުމާއި މިހާރު ހެދިފައިހުރި ދަނޑުތައް މަރާމާތުކޮށް ތަރައްގީކުރަން ވެސް މަސައްކަތްކުރާނެކަމަށެވެ.
މީގެ އިތުރުން ރައީސް ވިދާޅުވީ މި ސަރުކާރުން ފުޓުބޯޅަކުރިއަރުވަން މުހިންމު ޕޮލިސީތަކެއް ވެސް ހަދައިފައިވާނެކަމަށެވެ. އެގޮތުން ކުޅިވަރާ ބެހޭ ގާނުނަށް ބަދަލުގެނެސް ކުޅިވަރު ލާމަރުކަޒީކުރުމަށް ވެސް މަސައްކަތް ކުރެވުނުކަމަށް ވެސް ރައީސް ވިދާޅުވިއެވެ.
ކޮމެންޓް