އެމްޑީޕީއަށް މިހާރު ސޮއިކޮށްފައިވާ ކަމަށާއި، އެ ޕާޓީގެ ޗެއާޕާސަން ކަމުގެ މަގާމަށް ތާއީދު ކުރަނީ ކުރީގެ ރައީސް މުހައްދު ނަޝީދަށް ކަމަށް މާލެ ސިޓީ ކައުންސިލްގެ ވިލިމާލެ ދާއިރާގެ ކުރީގެ މެންބަރު ނަހުލާ އަލީ ވިދާޅުވެއްޖެ އެވެ.
ނަހުލާ ކުރެއްވި ފޭސްބުކް ޕޯސްޓެއްގައި ވިދާޅުވީ އޭނާ އިދިކޮޅު އެމްޑީޕީއާ ގުޅުނީ ނިމިދިޔަ ލޯކަލް ކައުންސިލް އިންތިހާބު ނިމުނު ދުވަހުން ފެށިގެން ކަމަށެވެ.
"އެމްޑީޕީ ޗެއާޕާސަން މަގާމަށް އަޅުގަނޑު ތާއީދު ކުރަނީ އެމްޑީޕީގެ ބާނީ ރައީސް މުހައްމަދު ނަޝީދަށް،" ނަހުލާ ވިދާޅުވި އެވެ.
އޭޕްރީލް ހަތަރު ވަނަ ދުވަހު ބޭއްވި ލޯކަލް ކައުންސިލް އިންތިހާބުގައި ހެންވޭރު ހުޅަނގު ދާއިރާއަށް ވާދަ ކުރައްވައިގެން ނަހުލާއަށް ވަނީ އެ ގޮނޑި ކަށަވަރު ކުރެވޭ ގޮތް ނުވެފަ އެވެ.
އެމްޑީޕީގެ ޗެއާޕާސަން އިންތިހާބު ބޭއްވުމަށް ހަމަޖެހިފައިވަނީ އަންނަ ޖޫން މަހުގެ 12 ވަނަ ދުވަހު އެވެ.
އެ އިންތިހާބުގައި ވާދަ ކުރައްވާނެކަން މިހާތަނަށް އިއުލާންކޮށްފައިވަނީ ނަޝީދާއި މީކާއީލް އަދި އަލްހާން ފަހުމީ އެވެ.
ކޮމެންޓް