ރާއްޖެއަށް ޖަޕާނުން ކަނޑައަޅާފައި ހުންނަ ސަފީރު އިޝިގާމީ ރުމީކޯ ހެރިޓޭޖް މިނިސްޓަރު ހީނާ ވަލީދުގެ އަރިހަށް އިހުތިރާމުގެ ޒިޔާރަތެއް ކުރައްވައިފި އެވެ.
ހެރިޓޭޖު މިނިސްޓްރީން ބުނީ އެ މިނިސްޓްރީގައި މިއަދު ކުރިއަށް ދިޔަ މި ބައްދަލު ކުރެއްވުމުގައި ދެ ގައުމުގެ ދެމެދުގައި އޮންނަ ގާތް ގުޅުމުގެ މައްޗަށް ދެބޭފުޅުން ވެސް އަލިއަޅުއްވާލައްވައި، މި ގުޅުން އިތުރަށް ހަރުދަނާ ކުރުމަށް ޓަކައި އެ ދާއިރާއިން ކުރެވިދާނެ ކަންކަމާ ގުޅޭ ގޮތުން ހިޔާލު ބަދަލު ކުރައްވާފައިވާ ކަމަށެވެ.
މި އަހަރަކީ ރާއްޖެއާ ޖަޕާނާ ދެމެދު ސިޔާސީ ގުޅުން ގާއިމުކުރިތާ 60 އަހަރު ފުރޭ މުނާސަބަތުކަން މިނިސްޓަރު ވަނީ ފާހަގަ ކުރައްވާފަ އެވެ.
އެހެންކަމުން އެ މުނާސަބާ ކުލަގަދަކޮށް ފާހަގަކުރުމަށް ޓަކައި ޖަޕާން ސަރުކާރާއި އެ އެމްބަސީން ރާވައިފައިވާ ހަރަކާތްތަކުގެ ތެރެއިން ދެ ގައުމުގެ ސަގާފަތުގެ މައުލުމާތުތައް ހިއްސާ ކުރެވޭނޭ ގޮތްތަކާ މެދު ވެސް ދެ ބޭފުޅުން މަޝްވަރާ ކުރެއްވި ކަމަށް މިނިސްޓްރީން ބުންޏެވެ.
ކޮމެންޓް