ވ. އަތޮޅުގައި ފީނަން ދިޔަ ޑައިވަރުންގެ ތެރެއިން ގެއްލުނު ހަތަރު ޑައިވަރު ހޯދަން ފީނުމުގެ ތެރޭގައި އުޅުނު ސިފައިންގެ މީހަކު ނިޔާވެއްޖެ އެވެ.
އެމްއެންޑީއެފުން ބުނީ ޑައިވަރުން ހޯދަން ކުރިއަށް ގެންދާ، ސާޗް އެންޑް ރެސްކިއު އޮޕަރޭޝަނުގައި މިއަދު ޑައިވްކުރަނިކޮށް ހާލު ދެރަވެގެން ނިޔާވީ ސްޓާފް ސާޖަންޓް މުހައްމަދު މަހުދީ ކަމަށެވެ.
އެމްއެންޑީއެފުން ބުނީ ފީނަން ދިޔަ ޑައިވަރުންގެ ތެރެއިން ގެއްލުނު ހަތަރު ޑައިވަރު ހޯދުމަށް، އެމްއެންޑީއެފުން ކުރިއަށް ގެންދާ، ސާޗް އެންޑް ރެސްކިއު އޮޕަރޭޝަނުގައި މިއަދު ޑައިވްކުރި، ސިފައިންގެ ބޭކަލެއްގެ ހާލު ދެރަވެގެން، އޭޑީކޭ ހޮސްޕިޓަލަށް ގެންގޮސް ފަރުވާދެމުން އަންނަ ކަމަށެވެ.
މި ހާދިސާގައި އިޓަލީއަށް ނިސްބަތްވާ ފަސް ޓޫރިސްޓުން ގެއްލިފައިވާއިރު އެތަނުން އެކަކުގެ ހަށިގަނޑު ފެނިފައިވަނީ ގާތްގަނޑަކަށް 60 މީޓަރުގެ އަޑިން ކޭވްއެއްގެ ތެރެއިންނެވެ.
އެމްއެންޑީއެފުން ބުނީ ބާކީ ތިބި ހަތަރު ޑައިވަރުން ވެސް ވީ ކަމަށް ލަފާ ކުރެވެނީ، ދިގުމިނުގައި ގާތްގަނޑަކަށް 200 ފޫޓު ހުންނަ ކޭވްގެ ތެރޭގައި ކަމަށެވެ.
ޑައިވަރުން ހޯދަން އެމްއެންޑީއެފުން ކުރިއަށް ގެންދަނީ ވަރަށް ނުރައްކާތެރި ހައި ރިސްކް އޮޕަރޭޝަނަކެވެ.
ކޮމެންޓް