ވ. އަތޮޅުގައި ފީނަން ގޮސް އުޅުމުގެ ތެރޭގައި ގެއްލުނު، އިޓަލީގެ ފަސް ޑައިވަރުންގެ ތެރެއިން އެކަކު ނިޔާވެ، އިތުރު ހަތަރު ޑައިވަރުން ގެއްލުނު ހާދިސާއާ ގުޅިގެން، ރައީސް ޑރ. މުހައްމަދު މުއިއްޒު، ތައުޒިޔާ ވިދާޅުވެއްޖެ އެވެ.
އެކްސްގައި ހިއްސާ ކުރެއްވި ތައުޒިޔާގެ މެސެޖުގައި އެ ހާދިސާއާ ގުޅިގެން، އެ ގައުމުގެ ރައީސް ސާ ޖިއޯ މަޓަރެއްލާއަށާއި، އެ ގައުމުގެ ރައްޔިތުންނަށް ތައުޒިޔާ ވިދާޅުވެފައިވެ އެވެ.
އެމަނިކުފާނު ވަނީ، މި ހާދިސާއާ ގުޅިގެން ފުން ހިތާމައެއް ލިބިވަޑައިގެންފައިވާކަމަށާ، ނިޔާވި މީހާއާއި ގެއްލިގެން ހޯދަމުންދާ މީހުންގެ އާއިލާތަކާއި ހެޔޮ އެދޭ ފަރާތްތަކަށް، ހެޔޮ ދުއާ ކުރައްވާ ކަމަށް ވިދާޅުވެފައިވެ އެވެ.
ރައީސް ވަނީ ގެއްލިފައިވާ ހަތަރު މީހުން ހޯދުމުގެ މަސައްކަތް ހާއްސަ އިސްކަމެއް ދީގެން ކުރަމުން ގެންދާ ކަމުގެ ޔަގީންކަން ވެސް ދެއްވާފަ އެވެ. އަދި މިކަމަށްޓަކައި ކުރިއަށްގެންދާ ރިކަވަރީ އޮޕަރޭޝަންގައި އިޓަލީ ސަރުކާރުން ދެމުން ގެންދާ އެހީތެރިކަމަށް ވެސް އެމަނިކުފާނު ޝުކުރު އަދާކުރައްވާފައިވެ އެވެ.
ކޮމެންޓް