ފުލުހުންގެ ވާޖިބަށް ހުރަސް އެޅި މީހަކު ހައްޔަރުކޮށްފި އެވެ.
ފުލުހުން ބުނީ ދ. މީދޫގައި، ގެވެށި އަނިޔާގެ މައްސަލައަކާ ގުޅިގެން، ކޯޓު އަމުރެއްގެ ދަށުން މީހެއްގެ ފޯނު ފުލުހުންގެ ބެލުމުގެ ދަށަށް ގެންދަން އުޅުމުން، ފުލުހުންގެ ވާޖިބަށް ހުރަސްއެޅި މީހަކު ހައްޔަރުކޮށްފައިވާ ކަމަށެވެ.
ގެވެށި އަނިޔާ އާއި އަމުރަށް ނުކިޔަމަންތެރިވި، މައްސަލައާ ގުޅިގެން ފުލުހުން ބެލުމުގެ ދަށަށް ގެންދިޔައީ އެންމެ މީހެކެވެ.
ފުލުހުން ބުނީ މި ދެ މައްސަލަ ތަހުގީގު ކުރަމުން އަންނަ ކަމަށެވެ. އިތުރު މައުލޫމާތު ހާމައެއް ނުކުރެ އެވެ.
ފާހަގަކޮށްލެވޭ ގޮތުގައި ފުލުހުންގެ ބެލުމުގެ ދަށަށް އެމީހާ ގެނައުމާ ގުޅިގެން ރައްޔިތުންގެ ތެރެއިން ބަޔަކު މީދޫ ޕޮލިސް ސްޓޭޝަން ކައިރިއަށް އެއްވެފައިވެ އެވެ.
ކޮމެންޓް