ސްޓެލްކޯއިން ކ. ގުރައިދޫގައި 1000 ކިލޯވޮޓުގެ އައު ޖަނަރޭޓަރެއް ބަހައްޓައި ކަރަންޓު ދޭން ފަށައިފި އެވެ.
ސްޓެލްކޯއިން ބުނީ މި އަހަރުގެ ޕީކް ސީޒަނަށާއި، ރޯދައަށް ތައްޔާރުވުމުގެ ގޮތުން ގުރައިދޫ އަށް 1000 ކިލޯވޮޓްގެ އައު ޖަނަރޭޓަރު ސެޓެއް ގެންދެވި ކޮމިޝަންކޮށް މިހާރު ވަނީ ހިދުމަތްދޭން ފަށާފައި ކަމަށެވެ.
ގުރައިދޫއަށް ގެންދިޔަ މި އައު ޖަނަރޭޓަރު ސެޓާ އެކު އެ ރަށުގެ ކަރަންޓު އުފެއްދުމުގެ ކެޕޭސިޓީ 2960 ކިލޯވޮޓަށް އިތުރު ކުރެވިފައިވާ ކަމަށް ވެސް ސްޓެލްކޯއިން ބުނެފައިވެ އެވެ.
ސްޓެލްކޯއިން މިހާރު އަންނަނީ މި އަހަރުގެ ޕީކް ސީޒަނާއި ރޯދަމަހަށް ތައްޔާރުވުމުގެ ގޮތުން އަތޮޅު ތެރޭގެ ގިނަ ރަށްތަކަކަށް އައު ޖެންސެޓް ފޮނުވުމުގެ މަސައްކަތް ކުރަމުންނެވެ. އެގޮތުން އއ. ތޮއްޑޫގައި ވެސް މިދިޔަ ބުދަ ދުވަހު ވަނީ 1000 ކިލޯވޮޓުގެ އައު ޖަނަރޭޓަރެއް ބަހައްޓައި ކަރަންޓު ދޭން ފަށާފަ އެވެ.
ކޮމެންޓް