ދ. އަތޮޅު ހޮސްޕިޓަލުގައި ޑަޔަލަސިސްގެ ހިދުމަތް ރަސްމީކޮށް ފަށައިފި އެވެ.
ދ. ކުޑަހުވަދޫގައި މިއަދު ބޭއްވި ހާއްސަ ރަސްމިއްޔާތެއްގައި އެ ހިދުމަތް ރަސްމީކޮށް އިފުތިތާހުކޮށްދެއްވީ ހެލްތް މިނިސްޓަރު އަބްދުﷲ ނާޒިމެވެ.
މިއަދުގެ ރަސްމިއްޔާތުގައި ކުޑަހުވަދޫ ސިއްހީ މަރުކަޒުގެ ކުރީ ސަފުގައި ތިއްބަވާ ބޭފުޅުންނާއި ކައުންސިލް މެމްބަރުންގެ އިތުރުން އެ ރަށުގެ ރައްޔިތުން ބައިވެރިވި އެވެ.
މި ސަރުކާރުން ވަނީ ކިޑްނީ ބަލިތަކުގެ ޑަޔަލިސިސް ހިދުމަތަށް ހާއްސަކޮށް ހުޅުމާލޭގައި ޑަޔަލަސިސް ސެންޓަރެއް މިދިޔަ އަހަރު ހުޅުވާފަ އެވެ.
މުޅިއެކު 30 އެނދުގެ އެ ސެންޓަރުގެ ސަބަބުން ކިޑްނީ ބަލިތައް ތަހައްމަލު ކުރަމުންދާ ފަރާތްތަކަށް ހިދުމަތް ހޯދުމުގައި ގިނަ ލުއިތަކެއް ލިބިގެންދިޔަކަން ފާހަގަކޮށްލެވެ އެވެ.
ސިއްހީ ހިދުމަތް ހޯދަން، ރާއްޖެއިން ބޭރަށް ދިވެހި ރައްޔިތުން ދާންޖެހޭ މައްސަލައަށް ހައްލުހޯދައި، އެކަން ނިމުމަކަށް ގެނައުމަކީ ސަރުކާރުން ހާއްސަ އިސްކަމެއް ދީގެން ހާސިލު ކުރުމަށް އަމާޒުހިފާފައިވާ ލަނޑުދަނޑިއެކެވެ.
ކޮމެންޓް