ޕީކް ހޭންޑްލިންއަށް ތައްޔާރުވާން ސްޓެލްކޯއިން މާލެ ސަރަހައްދުގައި ކުރަމުން އަންނަ މަސައްކަތްތައް އެ ކުންފުނީގެ އިސް ވެރީން ބައްލަވާލައްވައިފި އެވެ.
ސްޓެލްކޯއިން ބުނީ މި އަހަރުގެ ހޫނު މޫސުމަށް ތައްޔާރު ވުމުގެ ގޮތުން މާލޭ ސަރަހައްދުގައި ކަރަންޓުގެ ކެޕޭސިޓީ އިތުރު ކުރުމަށް ކުރިއަށް ގެންދާ ޕީކް ހޭންޑްލިންއަށް ތައްޔާރުވުމުގެ މަސައްކަތްތައް ކުންފުނި ހިންގެވުމާ ހަވާލުވެވަޑައިގެން ހުންނެވި ޑެޕިއުޓީ މެނޭޖިން ޑިރެކްޓަރު ޑރ. އަލީ އަޒްވަރާއި ކުންފުނީގެ އިސްވެރިން އިއްޔެ ހުޅުމާލެއަށް ވަޑައިގެން ބައްލަވާލައްވާފައި ކަމަށެވެ.
މީގެ އިތުރުން 800 މީހުންނަށްވުރެ އިތުރު ޖާގައިގެ ހުރިހާ މިސްކިތެއް އެއާކޮންޑިޝަން ކުރުމަށް ސަރުކާރުން ފަށާފައިވާ މަސައްކަތުގެ ތެރެއިން، މާލޭގެ މިސްކިތްތައް އެއާކޮންޑިޝަން ކުރުމަށް ސްޓެލްކޯއިން ކުރަމުންދާ މަސައްކަތްތައް ވެސް ކުންފުނީގެ ވެރީން އިއްޔެ ވަނީ ބައްލަވާލައްވާފަ އެވެ.
ޕިކް ހެންޑްލިންއަށް ތައްޔާރުވުމުގެ ގޮތުން މާލޭ ސަރަހައްދުގައި 2 އެމްވީއޭގެ 15 ޖެންސެޓު ބެހެއްޓުމުގެ މަސައްކަތް ސްޓެލްކޯއިން ކުރަމުން އެބަ އާދެ އެވެ.
ކޮމެންޓް