މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ މުވައްޒަފަކު ޑިއުޓީގައި އުޅެނިކޮށް ކުއްލި ގޮތަކަށް މަރުވެއްޖެ އެވެ.
ޑިއުޓީ އަދާކުރަމުންދަނިކޮށް މަރުވީ ގއ. ދެއްވަދޫ ދެނުކުގެ އަމީން އަބްދުލްހަމީދު، 30، އެވެ.
ފުލުހުން ބުނީ އެމްޕީއެލް ފަޅުތެރޭގައި އޮތް ޓަގު ބޯޓު ތެރެއަށް އެމްޕީއެލްގެ މުވައްޒަފެއް ވެއްޓި މަރުވެފައިވާ ކަމުގެ ރިޕޯޓް ލިބުނީ މިއަދު 10:46 އެހާކަންހާއިރު ކަމަށެވެ.
އެމީހާ އައިޖީއެމްއެޗަށް ގެންދިޔައިރުވެސް މަރުވެފައިވާ ކަމަށް އެ ހޮސްޕިޓަލުން މައުލޫމާތު ދީފައިވާ ކަމަށް ވެސް ފުލުހުން ބުންޏެވެ.
ފުލުހުން އަންނަނީ މި ހާދިސާ ތަހުގީގު ކުރަމުންނެވެ.
ކޮމެންޓް