ހަތަރު ރަށެއްގައި ގުރުއާން ސެންޓަރު، މިސްކިތް އަދި އިސްލާމިކް ސެންޓަރުތައް އަޅަން ކުންފުނިތަކަކާ ސަރުކާރުން ހަވާލުކޮށްފި އެވެ.
އިސްލާމީ ބިނާ ގާއިމުކުރާ ރަށްރަށުގެ ތެރޭގައި ހިމެނެނީ ހއ. އިހަވަންދޫ އިސްލާމިކް ސެންޓަރާއި ކ. ގުޅީ މިސްކިތާއި ގއ. ވިލިނގިލި ގުރުއާން ސެންޓަރާއި އެރަށު އިސްލާމިކް ސެންޓަރު އަދި ޅ. ނައިފަރުގައި އަޅައި އިސްލާމިކް ސެންޓަރެވެ.
މީގެ ތެރެއިން އިހަވަންދޫ އިސްލާމިކް ސެންޓަރުގެ މަސައްކަތް ހަވާލުކުރީ ފެޑޯ ޕްރައިވެޓް ލިމިޓެޑާ އެވެ. ގުޅީ މިސްކިތާއި ވިލިނގިލި އިސްލާމިކް ސެންޓަރު، އަފާމީ މޯލްޑިވްސް ޕްރައިވެޓް ލިމިޓެޑާ އެވެ. އަދި ނައިފަރު އިސްލާމިކް ސެންޓަރުގެ މަސައްކަތް ސެންޓްރަލް ލައިން ޕްރައިވެޓް ލިމިޓެޑާ ހަވާލުކުރިއިރު ވިލިނގިލީގައި އިސްލާމިކް ސެންޓަރެއް އަޅަން ހަވާލުކުރީ ކޭއެންއެފް ހޯލްޑިންގް ޕްރައިވެޓް ލިމިޓެޑާ އެވެ.
މި މަސައްކަތްތައް ހަވާލުކުރުމަށް ބޭއްވި ރަސްމިއްޔާތުގައި އިސްލާމިކް މިނިސްޓްރީގެ ފަރާތުން އެއްބަސްވުންތަކުގައި ސޮއިކުރެއްވީ މިނިސްޓަރު ޑރ. މުހައްމަދު ޝަހީމް އަލީ ސައީދެވެ.
ކޮމެންޓް