ޕަބްލިކް ސާވިސް މީޑިއާ (ޕީއެސްއެމް) ގެ މޭޖިން ޑިރެކްޓަރުގެ މަގާމަށް އަހުމަދު ޝަކީބު (ޝަކީބުބެ) މިއަދު އައްޔަން ކޮށްފި އެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން ވަނީ އެކަން ކަށަވަރުކޮށްދީފަ އެވެ.
ކުޑައިރުން ފެށިގެން ލިޔުންތެރިކަމާއި ވާހަކަ ދެއްކުންތެރިކަމަށް ޝައުގު ހުންނަ އަހުމަދު ޝަކީބު އާންމު ނަމުންނަމަ (ޝަކީބްބެ) އެންމެންގެ ސަމާލު ކަމަށް އައީ ރޭޑިއޯއާއި ޓީވީގެ ޕްރޮގްރާމްތަކުންނެވެ.
އޭނާއަކީ ޓީވީ ޕްރޮގްރާމްތައް ހުށަހަޅައިދިނުމުގައި ވަރަށް ކުޅަދާނަ، އެހާމެ މަގުބޫލް ބޭފުޅެކެވެ. އަދި މީޑިއާ ދާއިރާގައި ގިނަ ދުވަސްތަކެއް ހޭދަ ކުރެއްވިއިރު މީހުންގެ އިހުތިރާމް ލިބިފައިވާ ބޭފުޅެއްވެސްމެ އެވެ. މީގެ އިތުރުން ތައުލީމީ ދާއިރާގައި ވެސް 30 އަހަރަށްވުރެ ގިނަ ދުވަހު ޝަކީބް ހިދުމަތް ކުރެއްވި އެވެ.
ކޮމެންޓް