މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ) ގެ މެނޭޖިން ޑިރެކްޓަރުކަމުގެ މަގާމުން އަހުމަދު ނިޔާޒު މިއަދު ވަކިކޮށްފި އެވެ.
ޕްރައިވެޓައިޒޭޝަން ބޯޑުން ބުނީ އެމްޓީޑީސީގެ މެނޭޖިން ޑިރެކްޓަރުކަމުގެ މަގާމުންނާއި، ޑިރެކްޓަރުންގެ ބޯޑުގެ މެންބަރުކަމުގެ މަގާމުން ސ. މީދޫ، ހަސަންކާރިގެ، އަހުމަދު ނިޔާޒް މިއަދުން ފެށިގެން ވަކިކޮށްފައިވާ ކަމަށެވެ.
ނިޔާޒް އެމްޓީޑީސީގެ އެމްޑީކަމުގެ މަގާމަށް ކަނޑައެޅީ 2023 ވަނަ އަހަރުގެ ނޮވެމްބަރު މަސް ތެރޭގަ އެވެ. އޭގެ ކުރިން އޭނާ ވަނީ އެ ކުންފުނީގެ ބޯޑު ޑިރެކްޓަރުކަމާއި އޮޕަރޭޝަން އެންޑް ޑިވެލޮޕްމަންޓް މެނޭޖަރުކަން ކުރައްވާފަ އެވެ.
ބިޒްނަސް އެޑްމިނިސްޓްރޭޝަންގެ ރޮނގުން އިނގިރޭސި ވިލާތުން މާސްޓާސް ހައްދަވާފައިވާ ނިޔާޒަކީ އެމްޓީސީސީ އާއި އެސްޓީއޯ ޗެއާމަންކަން ވެސް ކުރައްވާފައިވާ ބޭފުޅެކެވެ.
ކޮމެންޓް