ށ. ފުނަދޫ ހޮސްޕިޓަލް އިމާރާތްކުރުމުގެ މަޝްރޫއު އެމްޓީސީސީއާ ހަވާލުކުރުމުގެ ރަސްމިއްޔާތު ބާއްވައިފި އެވެ.
ރައީސް ޑރ. މުހައްމަދު މުއިއްޒު އިއްޔެ ޝަރަފުވެރިކޮށްދެއްވި އެ ރަސްމިއްޔާތުގެ ތެރެއިން ސަރުކާރުގެ ފަރާތުން އެއްބަސްވުމުގައި ސޮއިކުރެއްވީ ހެލްތް މިނިސްޓްރީގެ ސްޓޭޓް މިނިސްޓަރު އަހުމަދު ގާސިމެވެ. އެމްޓީސީސީގެ ފަރާތުން ކުންފުނީގެ މެނޭޖިން ޑިރެކްޓަރު އަހުމަދު ސައުދީ އެވެ.
މި މަޝްރޫއުގެ ދަށުން 50 މީހުންގެ ޖާގައިގެ ހަތަރު ފަންގިފިލާގެ އިމާރާތެއް ބިނާ ކުރެވޭނެ އެވެ. މީގެ އިތުރުން އެއް ފަންގިފިލާގެ އެހެނިހެން ހިދުމަތް ދެވޭނެ ބަޔަކާއި ވަށައިފާރެއް ވެސް ރާނާނެ އެވެ.
އެމްޓީސީސީއާ މި މަޝްރޫއު 185.45 މިލިއަން ރުފިޔާއަށް ހަވާލުކުރީ 780 ދުވަސްތެރޭ ނިންމުމަށެވެ.
ކޮމެންޓް