ކ. އަތޮޅު ރިސޯޓެއްގެ ފަޅުތެރޭގައި އޮތް ލޯންޗެއްގައި އަލިފާން ރޯވެ، ލޯންޗުގެ ކެޕްޓަނަށް އަނިޔާތަކެއް ލިބިއްޖެ އެވެ.
މި ހާދިސާ ހިނގާފައިވަނީ ރޭ ދަންވަރު 3:00 އެހައިކަންހާއިރު އެވެ.
ފުލުހުން ބުނި ގޮތުގައި މި ހާދިސާ ހިނގިއިރު ލޯންޗުގައި ހުރީ ކެޕްޓަން އެކަންޏެވެ. އޭނާގެ ކަރާއި މޭމަތި ވަނީ ފިހިފައިވާއިރު، އޭނާއަށް އައިޖީއެމް ހޮސްޕިޓަލުގައި ދަނީ ފަރުވާދެމުންނެވެ. އެއީ 34 އަހަރުގެ ދިވެހި ފިރިހެނެކެވެ.
އަލިފާނުގެ ސަބަބުން ލޯންޗަށްވެސް އެކިވަރުގެ ގެއްލުންތައް ވެފައިވެއެވެ.
މި ހާދިސާ ފުލުހުން ގެންދަނީ އިތުރަށް ތަހުގީގު ކުރަމުންނެވެ.
ކޮމެންޓް