ރާއްޖޭގެ ކަނޑުތަކުގައި ދުއްވާ އުޅަނދުތަކުގެ ސަލާމަތީ ސެޓްފިކެޓް ދޫކުރަންވާނީ އެ އުޅަނދެއް އިންޝިއުރެންސްކޮށްފައި އޮތްތޯ ބެލުމަށްފަހު ކަމަށް މަތިވެރި ދާއިރާގެ މެމްބަރު ޙަސަން ޒަރީރު ވިދާޅުވެއްޖެއެވެ.
އިންޝިއުރެންސްއާ ގުޅޭ ޤާނޫނަށް ގެންނަ އިސްލާޙުތަކާ ގުޅޭގޮތުން މިއަދުގެ މަޖިލީހުގައި ވާހަކަފުޅު ދައްކަވަމުން ޒަރީރު ވިދާޅުވީ ކަނޑުގައި ދުއްވާ އުޅަނދު ފަހަރަށް ބޮޑެތި ގެއްލުންތައް ލިބޭ ޙާލަތްތަކުގައި ލިބެންޖެހޭ ބަދަލު ނުލިބެނީ އިންޝިއުރެންސް ކޮށްފައި ނެތުމުގެ ސަބަބުން ކަމަށާއި، އެހެންކަމުން، ސަލާމަތީ ހެއްދުމުގެ ކުރިން އެ އުޅަނދެއް އިންޝިއުރެންސް ކުރުން ލާޒިމު ކަމަކަށް ހަދަން ޖެހޭ ކަމަށެވެ.
މޫސުމަށް އަންނަ ބަދަލުތަކުގެ ސަބަބުން ކަނޑުތައް އިންތިހާއަށް ގަދަވުމުގެ ސަބަބުންނާއި، އަދި އެނޫންވެސް ކަންކަން މެދުވެރިވެގެން ކަނޑުގައި ދުއްވާ އުޅަނދު ފަހަރަށް އެތައް ގެއްލުމެއް ލިބެމުންދާއިރު، ފާއިތުވި އަހަރުވެސް ރާއްޖޭގައި މިފަދަ ހާދިޘާތައް ހިނގާފައި އެބަހުއްޓެވެ. ނަމަވެސް އެކަށީގެންވާ ބަދަލެއް ލިބިފައިވަނީ މަދު އުޅަނދަކަށެވެ.
ކޮމެންޓް