ރ. ދުވާފަރުގެ ވޭސްޓް މެނޭޖްމެންޓް ސެންޓަރުގެ އަމަލީ މަސައްކަތް ފެށުމުގެ ރަސްމިއްޔާތު މިއަދު ދުވާފަރުގައި ބާއްވައިފި އެވެ.
ރައީސް ޑރ. މުހައްމަދު މުއިއްޒު ޝަރަފުވެރިކޮށްދެއްވި ރަސްމިއްޔާތެ އްގައި މި މަޝްރޫއުގެ އަމަލީ މަސައްކަތް ފައްޓަވައިދެއްވީ ލޯކަލް ގަވާންމެންޓް މިނިސްޓަރު އާދަމް ޝަރީފް އުމަރު އެވެ.
މިއަދުގެ ރަސްމިއްޔާތުގައި ކެބިނެޓު މިނިސްޓަރުން، ރައްޔިތުންގެ މަޖިލީހުގެ މެންބަރުން، އެމްޓީސީސީގެ މެނޭޖިން ޑިރެކްޓަރު ޑެޕިއުޓީ ކޮމިޝަނާ އޮފް ޕޮލިސް އަހުމަދު ސައުދީ، ދުވާފަރު ކައުންސިލް މެންބަރުން އަދި ސަރުކާރުގެ އިދާރާތަކުގެ އިސްވެރިން ބައިވެރިވެވަޑައިގެންނެވި އެވެ.
އެމްޓީސީސީން ބުނީ މި މަޝްރޫއުގެ ދަށުން މިހާރު ހުރި އޮފީސް އިމާރާތް ރެނޮވޭޓްކުރުމާއި 216 އަކަފޫޓުގެ ސަރަ ހައްދެއްގައި ނުރައްކާތެރި ކުނި ރައްކާކުރާނެ ތަނެއް ހެދުމާއި 2700 އަކަފޫޓުގެ ސަރަހައްދެއްގައި ވެއާ ހައުސްއެއް އެޅުމާއި ލޭންޑްސްކޭޕިން މަސައްކަތްތަކާއި މިހާރު ހުރި ވަށާފާރު މަރާމާތު ކުރުމުގެ މަސައްކަތްތައް ކުރާނެ ކަމަށެވެ.
މި މަޝްރޫއު 1.76 މިލިއަން ރުފިޔާއަށް އެމްޓީސީސީއާ ހަވާލުކުރީ 120 ދުވަސްތެރޭ ނިންމުމަށެވެ.
ކޮމެންޓް