60،000 އަށްވުރެ ގިނަ ރުފިޔާގެ އަގުހުރި ތަކެތި ވަގަށްނެގިކަމުގެ ތުހުމަތުގައި ގއ. މާމެންދޫއިން ދެ މީހުން ހައްޔަރުކޮށްފި އެވެ.
މި މައްސަލައާ ގުޅިގެން ހައްޔަރުކޮށްފައި ވަނީ ގއ. މާމެންދޫ، އަ ންދަލީބުގެއަހުމަދު ސައު، 42، އާއި ގއ. މާމެންދޫ، ސަންލައިޓްވިލާ ހަމްދޫން ހަސަން، 33، އެވެ.
ފުލުހުން ބުނީ މި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ހަމްދޫން ހަސަން 15 ދުވަހަށް އަދި އަހުމަދު ސައުދު ޝަރީއަތް ނިމެންދެން ބަންދުކުރުމަށް އަމުރުކޮށްފައިވާ ކަމަށެވެ.
މާމެންދޫ ގެސްޓު ހައުސް އަކާއި ރަށު ސިއްހީ މަރުކަޒު ބޭސްފިހާރައިން ވައްކަންކޮށްފައިވާ މައްސަލަ މި މަހުގެ11 ވަނަ ދުވަހު ފުލުހުންނަށް ހުށަހަޅާފައިވެ އެވެ.
ފުލުހުން ބުނީ މި މައްސަލަ ހުށަހެޅުމާއެކު މައްސަލައިގެ ތަހުގީގު ފަށައި، ތުހުމަތުކުރެވޭ މީހުންނާއި އެ މީހުން ވަގަށްނެގި ތަކެތި ހޯދުމަށް ކުރެވުނު މަސައްކަތުން، އެ މީހުންނާއި ގެސްޓު ހައުސްއާއި ބޭސްފިހާރައިން އެ މީހުން ވަގަށްނެގި ތަކެތި ވެސް ފުލުހުނ ހޯދާފައިވާ ކަމަށެވެ.
ގެސްޓު ހައުސުން ވަގަށްނެގި ތަކެތީގެ ތެރޭގައި ހިމެނެނީ މެކްބުކް ސާފޭސް ޕްރޯއަކާއި، ޑީޖޭއައި ޑްރޯން ކެމެރާ ސެޓްގެ އިތުރުން ގޯޕްރޯއަކާއި، ކެނޮން ކެމެރާއެކެވެ. ބޭސްފިހާރައިން ވަގަށްނެގި ތަކެތީގެ ތެރޭގައި ފައިސާއާއި އެހެނިހެން ތަކެތި ހިމެނެ އެވެ.
މި މައްސަލަ ފުލުހުން ގެންދަނީ ތަހުގީގުކުރަމުންނެވެ.
ކޮމެންޓް