މި އަހަރުގެ އޮގަސްޓް މަހުގެ ނިޔަލަށް މުދަލު ޒަކާތުގެ ގޮތުގައި 104.4 މިލިއަން ރުފިޔާ ލިބިއްޖެ އެވެ.
މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) އިން އާންމުކޮށްފައިވާ މިއަހަރުގެ އޮގަސް މަހުގެ މާލީ ރިޕޯޓުގައިވާ ގޮތުން އޮގަސްޓް މަހު މުދަލު ޒަކާތުގެ ގޮތުގައި ދައުލަތަށް ލިބިފައިވަނީ 7 މިލިއަން ރުފިޔާ އެވެ. މިދިޔަ އަހަރުގެ އެ މަހު މަދަލު ޒަކާތުގެ ގޮތުގައި ލިބުނު 8 މިލިއަން ރުފިޔާއާ އަޅައިބަލައިއިރު ދަށް އަދަދެކެވެ.
އަހަރުގެ މިހާތަނަށް ދައުލަތަށް މުދަލު ޒަކާތުގެ ގޮތުގައި 104,465,702 ރުފިޔާ ލިބިފައިވާ ކަމަށް ތަފާސް ހިސާބުތަކުން ދައްކަ އެވެ. މިދިޔަ އަހަރުގެ މި މުއްދަތުގައި މި އަދަދު 82,163,911 ގައި ހުރިއިރު، މިއީ 27% ގެ އިތުރުވުމެކެވެ.
މުދަލު ޒަކާތުގެ ނިސާބަކީ ތިމާގެ މުދަލުގައި އެ މިންވަރެއް ހަމަވުމުން އެއިން މުދަލު ޒަކާތް ނެރުމަށް ވާޖިބުވާ އެންމެ މަދު މިންވަރެވެ. އެހެންކަމުން މިދިޔަ މަހުގެ 20 ވަނަ ދުވަހުން މުދަލު ޒަކާތް ނެރުން ވާޖިބުވާ ނިސާބަކީ 19,266.10 ރުފިޔާ އެވެ.
ކޮމެންޓް