ނަހުލާހެ "މަޖުނޫނު"ގެ ޕޯސްޓަރާއި ޓީޒާ މިރޭ ލޯންޗުކުރަން ތައްޔާރުވެއްޖެއެވެ،
ކްރިސްޓަލް އެންޓަޓެއިންމަންޓުން ހަދާ "މަޖުނޫން" ފިލްމުގެ ޕޯސްޓަރާއި ޓީޒާ ލޯންޗުކުރަން ހަމަޖެހިފައިވަނީ މިރޭ 20:30ގައެވެ.
މަޖުނޫންގެ ބަތޮލެއްގެ ގޮތުގައި ބެލުންތެރިންނަށް ފެންނާނީ ފިލްމީ ދާއިރާގައި ބޮޑު މަގުބޫލުކަމެއް ހޯދާފައިވާ އަހްމަދު ޝާރިފްއެވެ.
މީގެއިތުރުން އެ ފިލްމުގެ ބަތޮލާގެ ގޮތުގައި ފެންނާނީ މިހާރު ފިލްމީ ދާއިރާގައި ފިޔަޖަހަމުން އަންނަ ކުޅަދާނަ އެކްޓްރެސް މަރިޔަމް ޝިފާއެވެ.
ނަހުލާ ބުނިގޮތުގައި އެ ފިލްމުގެ ކާސްޓުން ހޮވަން ވަރަށް ބޮޑަށް އުނދަގޫވިއެވެ. އެ ފިލްމުގެ ބަތޮލަކަށް ޝާރިފް ހިޔާރުކޮށް އެ ފިލްމުގެ ސިފަވަންތަކަން ގެނައުމަށް ޝާރިފްގެ ސިފައަށް ވެސް ބޮޑެތި ބަދަލުތަކެއް ގެނެސްފައިވާކަމަށް ވެސް ނަހުލާ ބުންޏެވެ.
މީގެ އިތުރުން ނަހުލާ ބުނީ ޝާރިފްއާއި ޝިފާގެ އިތުރުން އެ ފިލްމުގައި މަޝްހޫރު ގިނަ ތަރިން ތަކެއް އެ ފިލްމުން ފެންނާނެކަމަށެވެ.
އެ ފިލްމު ޝޫޓު ކުރުމުގެ މަސައްކަތް މިިހާރު ވަރަށް ބާރަށް ކުރިއަށްދާކަމަށާއި، އެ ފިލްމު ސިނަމާގައި އަޅުވާނީ އޮކްޓޯބަރު މަހުގެ 26 ވަނަ ދުވަހުކަމަށެވެ.
އެ ފިލްމުގައި ނަހުލާގެ ދެ ދަރިންކަމުގައިވާ ލާލި އާ އެވްލީ ފެންނާނެ އެވެ. އާންމުންގެ ބޮޑު ތަރުހީބެއް ހޯދި ދިވެހި ފިލްމު "ސޮރީ" ގައި ވެސް އެ ދެ ކުދިންގެ ހުނަރާއި ކުޅަދާނަކަން ފެނިފައިވެ އެވެ.
މަޖުނޫނު ފިލްމަކީ ލޯބީގައި ޖެހި ދުނިޔެއިން މޮޔަވެ، ދީވާނާ ވެފައިވާ މީހެއްގެ ހާދިސާ ދައްކުވައިދޭ ވާހަކެއްގެ މައްޗަށް ގެނެސްދޭ ފިލްމެކެވެ.
މަޖޫނޫނަކީ ވެސް ނަހުލާގެ އެހެން ފިލްމުތެކެކޭ އެއްގޮތަށް ތަފާތު މޮޅު އަދި އިބުރަތްތެރި ބަލާހިތްވާ ފިލްމަކަށް ވާނެކަމަށް ގިނަ ބަޔަކު ތިބީ ގަބޫލުކޮށްގެންނެވެ.
ކޮމެންޓް