ސައޫދީ ފަންޑް ފޯ ޑިވެލޮޕްމަންޓުގެ ޗީފް އެގްޒެކެޓިވް އޮފިސަރު ސުލްތާން ބިން އަބްދުއްރަހުމާން އަލް މުރުޝިދު ރަސްމީ ދަތުރުފުޅެއްގައި ރާއްޖެ ވަޑައިގަންނަވައިފި އެވެ.
ފިނޭންސް މިނިސްޓްރީން ބުނީ ސައުދީ ފަންޑުގެ ސީއީއޯ ރައްޖެ ވަޑައިގެންފައިވަނީ ތިން ދުވަހުގެ ދަތުރުފުޅެއްގައި ކަމަށާއި މި ދަތުރުފުޅުގެ ކުރިއަށް އޮތް ދުވަސްތަކުގައި ރަސްމީ ބައްދަލުވުން ކުރިއަށް ގެންދަން ހަމަޖެހިފައިވާ ކަމަށެވެ.
ސައުދީ ފަންޑުގެ ސީއީއޯ ސުލްތާން ބިން އަބްދުލްރަހުމާން އަލް މުރުޝިދު ވަނީ މީގެ ކުރިން ވެސް އެކި ފަހަރު މަތިން ރާއްޖެ ވަޑައިގެންފަ އެވެ.
ސައުދީ ފަންޑުން ރާއްޖޭގެ ތަރައްގީއަށް ވެދީފައިވާ އެހީތަކުގެ އަގު ވަޒަންކޮށް ސައުދީ ފަންޑުގެ ސީއީއޯ ސުލްތާން ބިން އަބްދުއްރަހުމާން އަލް މުރުޝިދަށް ރައީސް ޑރ. މުހައްމަދު މުއިއްޒު މިދިޔަ އަހަރު ވަނީ ނިޝާން މުލީގޭ ޝަރަފުގެ އިއްޒަތް އަރުވާފަ އެވެ.
ރާއްޖޭގެ އެކި ކަންކޮޅުތަކުގައި މިހާތަނަށް 40 އަށް ވުރެ ގިނަ މަޝްރޫއު ސައުދީ ފަންޑުގެ އެހީގައި ކުރިއަށް ގެންގޮސްފައިވެ އެވެ.
ކޮމެންޓް