ތުއްތު ކުދިންނަށް 6 މަސް ފުރުމުގެ ކުރިން ފެން ނުދޭން ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އިލްތިމާސްކޮށްފި އެވެ.
އެޗްޕީއޭއިން ކުރި ސޯޝަލް މީޑިއާ ޕޯސްޓެއްގައި ބުނީ ކިތަންމެ ހޫނު މޫސުމެއް ކަމަށް ވިޔަސް ތުއްތު ކުދިންނަށް 6 މަސް ފުރުމުގެ ކުރިން ފެން ބޭނުން ނުވާނެ ކަމަށެވެ. އަދި ގާތުން ދޭ ކިރުގެ 88 ޕަސެންޓަކީ ފެން ކަމުގައިވާތީ، ތުއްތު ދަރިފުޅުގެ ކަރުހިއްކުން ފިލުވާލުމަށް ގާތުން ދޭ ކިރު ފުދޭނެ ކަމަށް އެޗްޕީއޭ އިން ބުންޏެވެ.
އެޗްޕީއޭ އިން ބުނިގޮތުގައި މައިމީހާގެ ކިރަކީ ތުއްތު ކުއްޖާގެ އުމުރުން ފުރަތަމަ 6 މަސް ތެރޭގައި ހަށިގަނޑަށް ބޭނުންވާ ހުރިހާ ހަކަތައަކާއި ކާނާގެ މުހިންމު މާއްދާތަކާއި ކުއްޖާގެ ހަށިގަނޑަށް ބޭނުންވާ ފެން ވެސް ފުރިހަމައަށް ފޯރުކޮށްދޭ ވަސީލަތެކެވެ.
ކޮމެންޓް