ނ. ހޮޅުދޫގެ ފެނުގެ ނިޒާމު ގާއިމުކުރުމުގެ މަޝްރޫއުގެ މަސައްކަތް ނިންމައިލައިފި އެވެ.
އެ މަޝްރޫއުގެ އަމަލީ މަސައްކަތް ނިމުމާއެކު ޓެސްޓްކޮށް ވަނީ ކޮމިޝަންކޮށްފަ އެވެ.
ކޮމިޝަން ކުރުމުގެ މަސައްކަތުގައި ހައުސިން އެންޑް އިންފްރާސްޓްރަކްޗާ މިނިސްޓްރީގެ ސްޓޭޓް މިނިސްޓަރު އިސްމާއިލް ހަމީދު، މިނިސްޓްރީގެ ޓެކްނިކަލް ސްޓާފުން، ކޮންޓްރެކްޓާ، ފެނަކަ ކޯޕަރޭޝަނުން އަދި ކައުންސިލުން ބައިވެރިވެފައިވެ އެވެ.
މި މަޝްރޫއުގެ ދަށުން 6.6 ކިލޯ މީޓަރުގެ ފެނުގެ ވިއުގައެއް، 60 ޓަނުގެ 2 އާރުއޯ ޕުލާންޓް، 25 ޓަނުގެ ވާރޭ ފެން ޕުލާންޓް، 350 ޓަނުގެ ބޯފެން ރައްކާކުރާ 2 ޓޭންކް އަދި 200 ޓަނުގެ ވާރޭ ފެން ރައްކާކުރާ ޓޭންކް ގާއިމުކޮށްފައިވެ އެވެ.
ދެން ކުރިއަށްދާނީ، މި ނިޒާމު އޮޕަރޭޓްކުރުމުގެ ގޮތުން އޮޕަރޭޓަރާއި ހަވާލުކުރުމަށް ޓަކައި ކުރެވޭ މަސައްކަތްތަކެވެ.
ކޮމެންޓް