މަޝްހޫރު ޕްރޮޑެކްޝަން ހައުސް ޔާރާ ޕްރޮޑަކްޝަންގެ “ޕްރޮޖެކްޓް ޑ”ގެ އަސްލު ނަން އިއުލާނުކޮށްފިއެވެ.
މިއަދު އެ ޕްރޮޑަކްޝަން ހައުސިން އިން ބުނީ ޕްރޮޑެކްޓް ޑީގެ އަސްލު ނަމަކީ “ދެވި” ކަމަށެވެ.
އެ ފިލްމަކީ މަޝްހޫރު އެކްޓްރެސް މަރިޔަމް އައްޒަ ޕްރޮޑިއުސް ކުރާ ފިލްމެކެވެ. އަދި އެ ފިލްމުގެ ޑައިރެކްޓަރަކީ އެކިއެކި ފަންނުތަކުގައި ނަން މަޝްހޫރު ހުސައިން ހާޒިމް (ސޭންޑީ)އެވެ. އެ ފިލްމު ލިޔުނީ ވެސް ސޭންޑީއެވެ.
ދެވި ފިލްމުގައި ހަރަކާތްތެރިވާ މުހިންމު ތަރިންގެ ތެރޭގައި ހިމެނެނީ މަރިޔަމް އައްޒަ، ޝަރަފް ޢަބްދުﷲ، މުޙައްމަދު މަނިކް، އިސްމާޢީލް ރަޝީދު (ކޮޕީ އިއްސެ)، އަޙްމަދު ނިމާލް، އަޙްމަދު ސަޢީދު، ރިޝްމީ ރަމީޒް، އާމިރާ އިސްމާޢީލް، އާމިނަތު ރަޝީދާ (އައިންތު)، އަޙްމަދު ރިޝްވާން، އަޙްމަދު އީސަ (އާނަންދު)، ޢާއިޝަތު ރާއިޝާ އަދި މަލީހާ ވަލީދް (މަލް)އެވެ.
ޕްރޮޖެކްޓް ޑީ ގެ މަސައްކަތް މިދިޔަ ޑިސެމްބަރު މަހުން ފެށިގެން ކުރަމުންއަންނަ ކަމަށް ބުނެ އެ ޕްރޮޑަޝަން އިން ވަނީ އެ ފިލްމަކީ ވެސް ބެލުންތެރިންނަށް ކަމުދާނެ ފިލްމަަކަށް ވާނެކަމުގެ ޔަގީންކަން ދީފައެވެ.
އެ ފިލްމުގެ ޝޫޓިންތައް ކުރިއަށް ގެންގޮސްފައިވަނީ ރ. ފައިނުގައެވެ. މިހާރު އެ ފިލްމުގެ ޝޫޓިންގެ މަސައްކަތްތައް ވަނީ ނިމިފައެވެ.
ކޮމެންޓް