އެތްލެޓިކް ކްލަބުގެ ކޯޗު އާނެސްޓޯ ވަލްވާޑޭ ވަނީ އުމުރުން 22 އަހަރުގެ ވިންގާ ، ނިކޯ ވިލިއަމްސް މި ހޫނު މޫސުމުގައި އެ ކްލަބު ދޫކޮށްލަން ބޭނުންވާ ކަމަށް ގަބޫލު ނުކުރާ ކަމަށް ބުނެ އިންޒާރު ދީފަ އެވެ.
ވިލިއަމްސް މިދިޔަ ސީޒަނުގައި ޔޫރަޕްގެ އެލައިޓްގެ ޓްރާންސްފާ ރާޑަރަށް ކުޅެ، ޔޫރޯ 2024 ގައި ސްޕެއިން އަށް ކުޅުނު ރޯލުގެ ސަބަބުން
އޭނާގެ ‘ވެލިއޫ’ ވަނީ އާ އުސްމިން ތަކަކަށް އަރާފައެވެ.
މިހޫނު މޫސުމުގައި ހޯދި ކާމިޔާބީތަކަށް ފަހު ވިންގާ މިވަގުތު ޗުއްޓީ ހޭދަކުރަމުންދާއިރު، ވަލްވާޑޭ ވަނީ އެތުލެޓިކުން އޭނާ އެނބުރި އައުމަށް ކެތްމަދުވެފައި ތިބި ކަމަށް ބުނެފަ އެވެ.
މީޑިއާއަށް މައުލޫމާތު ދެމުން ވަލްވާޑޭ ބުނީ ނިކޯއާ މެދު
އެއްވެސް ޝައްކެއް ނެތް ކަމަށެވެ. "އޭނާ ހުރީ
ވަރަށް ހިތްހަމަޖެހިގެން. މި އަހަރު އަހަރެމެންގެ ކުރިމަތީގައި
އެތައް ގޮންޖެހުންތަކެއް އެބަހުރި ކަމަށާއި އެ ގޮންޖެހުންތަކާ
ކުރިމަތިލާން ނިކޯ ވަރަށް ލޯބިވާނެކަން ޔަގީން."
ކޮމެންޓް