ބިދޭސީން ލައްވާ މަސައްކަތް ކުރުވާ އެ ފަރާތްތަކަށް ކަނޑައެޅިފައިވާ މުސާރަ ނުދީ ހިފަހައްތާ މީހުން ޖޫރިމަނާ ކުރަން ސަރުކާރުން ނިންމަނީ އެވެ.
ބިދޭސީންނާއި މެދު އިހުމާލުވާ ފަރާތްތަކުން ފަންސާސް ހާސް ރުފިޔާއިން ޖޫރިމަނާ ކުރުމަށް ވަޒީފާ އާއި ބެހޭ ޤާނޫނަށް އިސްލާހެއް ހުށަހަޅައިފި އެވެ. މި ޤާނޫނަށް ހުށަހަޅާފައިވާ އިސްލާހު ގައި ވަނީ ބިދޭސީއަކު ރާއްޖެ ގެނައުމަށް ފަހު، ވަޒީފާ ދޭ ފަރާތުން އިހުމާލު ވެއްޖެ ނަމަ ކަމާ ބެހޭ ފަރާތްތަކުން ފިޔަވަޅު އަޅަން ޖެހޭނެ އެވެ.
ބިދޭސީންނާ މެދު ވެވޭ އިހުމާލެއްގެ ގޮތުގައި ބަލާ ކަންކަމުގެ ތެރޭގައި ހަތަރު ކަމެއް އެ ބިލުގައި ހިމަނާފައި ވެ އެވެ. އެއީ؛
1. ޤަވާއިދުން މުސާރަ ނުދިނުން.
2. ވަޒީފާ ދޭ ފަރާތުން ފޯރުކޮށްދޭން ޖެހޭ އަސާސީ ކަންކަން ކަމުގައި މި ގާނޫނުގެ ދަށުން ހަދާ ގަވައިދުގައި ކަނޑައަޅާ ކަންކަން ފުރިހަމަ ނުކުރުން.
3. ބިދޭސީން ރާއްޖެ ގެނައުމުގައި އެކްސްޕްލޮއިޓޭޝަންގެ އަމަލެއް ހިންގުން ނުވަތަ އެ މީހުން ލައްވާ ގާނޫނާ ހިލާފު އަމަލުތައް ހިންގުން.
4. ބިދޭސީ މަސައްކަތްތެރިޔާ ގެންނަ ވަޒީފާ ނޫން އެހެން ވަޒީފާއެއް އަދާ ކުރުން.
ކޮމެންޓް