މަޝްހޫރު ޑައިރެކްޓަރ އަމްޖަދު އިބްރާހިމް (އަމްޖޭ) ގެ 50 ވަނަ ފިލްމު "ގިލަން" ގެ ފުރަތަމަ ޕޯސްޓަރު ދައްކައިލައިފިއެވެ.
އަމްޖޭއަކީ ރާއްޖޭގެ ފިލްމު އިންޑަސްޓްރީގައި އެންމެ ގިނަ ފުލްމު ޑައިރެކްޓްކުރި ޑައިރެކްޓަރެވެ.
އެ ޕޯސްޓަރުން ފެންނަ ގޮތުގައި އެ ފިލްމުގެ ބަތޮލެއްގެ ގޮތުގައި ބެލުންތެރިންނަށް ފެންނާނީ ދިވެހި ފިލްމީ އިންޑަސްޓްރީގައި އަދި ވެސް އެންމެ މަގުބޫލު އެއް ބަތޮލު ޔޫސުފް ޝަފީއު (ޔޫއްޕެ)އެވެ.
މީގެ އިތުރުން އެ ފިލްމުގެ ބަތޮލާއެއްގެ ގޮތުގައި ބެލުންތެރިންނަށް ފެންނާނީ ފިޔަޖަމުން އަންނަ ބަތޮލާ ފާތުމަތު އަޒީލާ (އަޒޫ)އެވެ.
ދިވެހިންގެ ހިތްތަކުގައި ބިންވަޅުނަގަމުން އަންނަ އަމްޖޭގެ ފިލްމުތަކެކޭ އެއްފަދައިން “ގިލަން” ވެސް ބެލުން ތެރިންގެ މެދުގައި މަގޫބޫލު ފިލްމަކަށް ވާނެކަމަށް ގިނަ ބަޔަކު ލަފާކުރުއެވެ.
އެ ފިލްމު ދިވެހި ސިނަމާގައި އެޅުވުމަށް ހަމަޖެހިފައިވަނީ މި މަހުގެ 30 ވަނަ ދުވަހުގައެވެ.
ގިލަން" އަކީ އާއިލީ ގުޅުންތަކާއި، ސިއްރު ލޯބީގެ ކަންތައްތަކެއްގެ މައްޗަށް ބިނާކޮށްފައިވާ ޝައުގުވެރި ވާހަކަ އެއްގެ މައްޗަށް ބިނާކޮށްފައިވާ ފިލްމެކެވެ. ނަމަވެސް ވާހަކައިގެ ކުންނާ ހަމައަށްދާއިރު، ބެލުންތެރިން ސިއްސުވާލާނެ ފަދަ ރޫހާނީ ކަންތައްތަކެއް މި ފިލްމުގައި ފޮރުވިފައިވާ ކަމަށް ފިލްމުގެ ޓީމުން މައުލޫމާތުދެއެވެ. މި ފިލްމަކީ މަޝްހޫރު ލިޔުންތެރިޔާ މުޙައްމަދު ޤާސިމްގެ ސްކްރީންޕްލޭއަކަށް ތައްޔާރުކޮށްފައިވާ އުފެއްދުމެކެވެ.
ކޮމެންޓް