ޗުއްޓީ ދުވަސްތަކުގައި ޓީޗަރުން ސުކޫލަށް ނެރުން މަނާކޮށްފި

ޗުއްޓީ ދުވަސްވަރު ޓީޗަރުން ވަޒީފާ އަށް ނެރުން އެޑިއުކޭޝަން މިނިސްޓްރީ އިން މަނާ ކޮށްފިއެވެ.

ސުކޫލުތަކަށް މިކަން އަންގާފައިވަނީ ސުކޫލުތަކަށް މިނިސްޓްރީ އިން ފޮނުވާފައިވާ ސަކިއުލާ އެއްގަައެވެ. ސުކޫލުތަކަށް ފޮނުވާފައިވާ ސަކިއުލާގައި ބުނެފައިވަނީ ދިރާސީ އަހަރުގެ ފުރަތަމަ ޓާރމު ޗުއްޓީގައި އަދި ދެވަނަ ޓާރމު ޗުއްޓީގައި ޓީޗަރުން ލައްވާ ސުކޫލުގެ މަސައްކަތް ކުރުމަށް ސުކޫލަށް ޓީޗަރުން ނެރުމަކީ މަނާ ކަމެއް ކަމިގައެވެ. އަދި މިޑް ޓާރމް ބަންދުގައި ވިސް މިފަދައިން އަމަލު ކުރުމަށް އަންގާފައިވެއެވެ.

އެޑިއުކޭޝަން މިނިސްޓަރުގެ ވަޢުދުފުޅާ އެއްގޮތައް ، ޓީޗަރުން އާއިލާ މެމްބަރުންނާއި އެކު ހޭދަ ކުރާ ވަގުތު އިތުރުކުރުމަށް މިކަން ނިންމާފައިވަނީ ޓީޗަރުން އިތުރު ވަޤުތު ގައި ސުކޫލުގައި ހޭދަކުރާ މިންވަރު އިންތިހާ އަށް އިތުރު ވެފައި ވާތީއެވެ.

މި ނިންމުން ނިންމާފައިވަނީ އިއްޔެ އެޑިޔުކޭޝަން މިނިސްޓްރީގެ ޕާމަނަންޓް ސެކެރެޓަރީ ޝިފާޒު މުޙައްމަދު ސޮއިކުރައްވައި ސަރުކާރުގެ ހުރިހާ ސްކޫލްތަކަށް ފޮނުއްވި އިންޓާނަލް މެމޯއެއްގައެވެ.

މިއާއެކު މުދައްރިސުންނަށް ޓާމު ބަންދުތަކުގައި އިތުރު މަސައްކަތްތަކެއް ނުކުރެވޭނެއެވެ.