ރައީސުލްޖުމްހޫރިއްޔާ ޑރ. މުހައްމަދު މުއިއްޒުއާއި އެމަނިކުފާނުގެ އަނބިކަނބަލުން ސާޖިދާ މުހައްމަދު، އުމްރާގެ އަޅުކަން އަދާ ކުރެއްވުމަށް ސައުދީ ރަބިއްޔާއަށް ވަޑައިގެންފި އެވެ.
ރައީސްގެ ދެކަނބަލުން ސައުދީއަށް ވަޑައިގަތީ މިއަދު މެންދުރުގެ ވަގުތެއްގަ އެވެ.
ރައީސްގެ ދެކަނބަލުން މަދީނާ އިންޓަނޭޝަނަލް އެއާޕޯޓަށް ފައިބާވަޑައިގަތުމުން، އެ ދެކަނބަލުންނަށް މަރުހަބާ ދެންނެވީ މަދީނާގެ ގަވަރުނަރު، ޕްރިންސް ސަލްމާން ބިން ސުލްތާން ބިން އަބްދުލްއަޒީޒް އާލް ސައޫދު އާއި ރޯޔަލް ޕްރޮޓޮކޯލްގެ ޑިރެކްޓަރު އިބްރާހީމް ބާރީ އެވެ.
ރައީސްގެ ދެކަނބަލުންގެ މި ދަތުރުފުޅުގެ މެހުމާންދާރީއާ ހުރިހާ ހަރަދެއް ހަމަޖައްސައިދިނީ ސައުދީ ސަރުކާރުންނެވެ. ދަތުރުފުޅާ ގުޅޭ މި ހުރިހާ ކަމެއްވަނީ މިދިޔަ ފެބުރުވަރީމަހުގެ ކުރީކޮޅު ހަމަޖައްސާފަ އެވެ.
ކޮމެންޓް