އަފޫ އެ ހާމަކޮށްދިނީ އުފަން ރަށާމެދު އޮތް ލޯތްބެވެ. ލިބުނު ކޮންމެ ފުރުޞަތެއްގެ ބޭނުން އެ ހިފަނީ އުފަން ފަސްގަނޑަށް ކުރިއެރުމާއި ފާހަގަތިކަން ގެނެވޭތޯއެވެ.
ޗައިނާގެ ފަރާތުން ދިވެހިރާއްޖެއަށް ކަނޑައަޅުއްވާފައިވާ ސަފީރު، ހަރ އެކްސެލެންސީ ވަންގް ލީޒިންގް އާއެކު ކެނދިކުޅުދޫ ދާއިރާގެ މެންބަރު މުޙައްމަދު އަފޫ ހާމިދު މިއަދު ވަނީ މާޅެންދުއަށް ޒިޔާރަތް ކުރައްވާފައެވެ.
ޗައިނާ ސަފީރު ކެނދިކުޅުދޫ ދާއިރާއަށް ޒިޔާރަތް ކުރެއްވުމަކީ ލިބިވަޑައިގެންނެވި ވަރަށް ބޮޑު ޝަރަފެއް ކަމަށް އަފޫ ވިދާޅުވިއެވެ.
ޗައިނާ ސަފީރުގެ މި ދަތުރުފުޅަކީ ވަރަށް ކާމިޔާބު ދަތުުރުފުޅެއް ކަމަށާއި ޗައިނާގެ ފަރާތުން ތަފާތު އެކި އެހީ ލިބުމަށް މި ދަތުރުން މަގުފަހިވި ކަމަށް މެމްބަރު އަފޫ މައުލޫމާތު ދެއްވައެވެ.
މާޅެންދޫގެ ރައްޔިތުން ނިކުމެ ޗައިނާ ސަފީރާއި މުޅި ޓީމަށް ވަނީ ހޫނު މަރުޙަބާއެއް ދަންނަވާފައެވެ.
ކޮމެންޓް