ޒައިނަބް އާއި މަޝަކް އަށް މެމްބަރު އަފޫގެ މަރުޙަބާ!
—
ކެނދިކުޅުދޫ ސުކޫލްގެ އަހަރީ އިނާމުދިނުމުގެ ޖަލްސާގައި ކެނދިކުޅުދޫ ދާއިރާގެ އިއްޒަތްތެތި މެންބަރު މުޙައްމަދު ޢަފޫ ޙާމިދު ބައިވެރިވެވަޑައިގެންފިއެވެ.
މި ޖަލްސާގައި އެކި އެކި ވަނަތަށް ޙާޞިލް ކުރި ދަރިވަރުންގެ އަގު ވަޒަންކޮށްފައިވާއިރު، ޖީސީއީ.އޭ ލެވެލްގެ ނޭޝަނަލް ޓޮޕް ޓެންގައި ހިމެނުނު ކެނދިކުޅުދޫ ސުކޫލްގެ ދަރިވަރު ޒައިނަބު ރިޔާޒް ވަހީދު އަދި ޖީސީއީ.އޯ ލެވެލްގެ ނޭޝަނަލް ޓޮޕް ޓެންގައި ހިމެނުނު ކެނދިކުޅުދޫ ސުކޫލްގެ ދަރިވަރު އައިމިނަތު މަޝަކް ވަހީދަށް މެމްބަރު އަފޫ ވަނީ ވަރަށްހޫނު މަރުޙަބާއެއް ދަންނަވާފައެވެ.
އަފޫ ގެންދަވަނީ ކެނދިކުޅުދޫ ދާއިރާގެ ތަޢުލީމަށް ނުހަނު ގިނަ ކުރިއެރުންތައް ހޯދުމަށް ސަރުކާރުގެ ތެރެއިން ނުހަނު ގިނަ މަސައްކަތް ތަކެއް ކުރައްވަމުންނެވެ. އެގޮތުން ސުކޫލުތަކަށް ބޭނުންވާ ވަޞީލަތްތައް ހޯދުމާއި ދަރިވަރުންގެ ކިޔެވުން އިތުރަށް ކުރިއެރުވުމަށް ބޭނުންވާ އެކި އެކި ޚިދުމަތްތައް ޤާއިމު ކުރުމުގެ މަސައްކަތް އަފޫ ގެންދަވަނީ ކުރައްވަމުންނެވެ.
ކޮމެންޓް