ދިވެހި ފުލުހުންގެ އިދާރާ ހިންގުން ވަގުތީ ގޮތުން ޑެޕިއުޓީ ކަމިޝަނާ އޮފް ޕޮލިސް ފަރުހާދު ފިކުރީއާ ހަވާލުކޮށްފި އެވެ.
ފަރުހާދުއާ ފުލުހުންގެ އިދާރާ ހިންގުން ހަވާލުކުރީ އެ މަގާމުގައި ހުންނެވި ކަމިޝަނާ އޮފް ޕޮލިސް އިސްމާއީލް ނަވީން އިއްޔެއިން ފެށިގެން ފުލުހުންގެ ހިދުމަތުން ޝަރަފުވެރިކަމާ އެކު ރިޓަޔާ ކުރައްވާފައިވާތީ އެވެ.
ފުލުހުންގެ އިދާރާގެ ހިންގުން ފަރުހާދުއާ ވަގުތީ ގޮތުން ހަވާލު ކުރެއްވީ ހޯމް މިނިސްޓަރު އަލީ އިހުސާނެވެ.
ނަވީން ސީޕީ ކަމަށް އައްޔަން ކުރެއްވީ މިދިޔަ އަހަރުގެ ޖޫން 10 ވަނަ ދުވަހު އެވެ. އެއީ އެ މަގާމުގައި ކުރިން ހުންނެވި އަލީ ޝުޖާއު އޭޕްރީލް 26ގައި އިސްތިއުފާ ދެއްވުމާ ގުޅިގެންނެވެ.
ކޮމެންޓް