އެރެއަށްފަހު - ވިހާ ކޮންމެ ކުއްޖެެއް ވަނީ މަރު، ގަބުރުވެސް ފެންނާކަށް ނެތް!

ލައިލް އަކީ އަންހެނުންގެ ޚާއްޞަ ޑޮކްޓަރެކެެވެ. ވަޒީފާ އަދާ ކުރަން ޖެހިފައި ވަނީ ރާއްޖެތެރޭގެ ރަށެއްގައެވެ.

އެރަށަށް ދިރިއުޅުން ބަދަލު ކުރިތާ ގިނަ ދުވަހެއް ނުވެއެވެ. ވިހާ ކޮންމެ ކުއްޖެއް މަރުވަނީއެވެ. ވަޅުލާ ގަބުރުވެސް ފެންނާކަށް ނެތެވެ.

މިއީ މިރޭ 9:00 ގައި މީޑިޔާނެޓްގެ އެމްއެސްޓީވީން ދެއްކުމަށް ހަމަޖެހިފައިވާ ޑްރާމާ ސިލްސިލާ “އެރެއަށްފަހު” ގައި ކަން ހިނގާ ގޮތުގެ ހުލާސާ އެކެވެ.

މިއީ މަޝްހޫރު ލިޔުންތެރިޔާ މަރިޔަމް މޫސާގެ ވާހަކައެއްގެ މައްޗަށް ޔޫއްޕެ ޑައިރެކްޓްކޮށް އުފައްދާ މޮޅު ޑްރާމާއެކެވެ. ޑްރާމާގެ ސްކްރީން ޕްލޭވެސް ހަދާފައިވަނީ ލިޔުންތެރިޔާ މަރިޔަމް މޫސާއެވެ.

މި ފިލްމުގެ ޕްރޮޑިއުސަރ މުޙައްމަދު ޢަބްދުالله (މުޙައްމާ) މި ޑްރާމާއާ ދޭތެރޭ ކުރާ އުއްމީދު ބޮޑެވެ. ބުނާނެ ލަފްޒެއް ނެތަސް، މަރިޔަމް މޫސާގެ ލަފްޒަކީވެސް ބެލުންތެރިންގެ މެދުގައި މަޤުބޫލުކަން ހޯދި މޮޅު ޑްރާމާއެެކެވެ.

ލަައިލް އަލަތު ދަރިފުޅުގެ މަރުގެ ހަޤީޤަތް ހޯދުމަށް ކެނޑިނޭޅި ކުރާ މަސައްކަތުން އެތައް ކަމެއް ހާމަވެ، ފާޅުވެއެވެ.

މައްޗަށް އެކުލެވޭ މި ސީރީޒްއާ ގުޅޭގޮތުން ދެލި އޮންލައިންއަށް މަޢުލޫމާތު ދެއްވަމުން މި ސީރީޒްގެ ޑައިރެކްޓަރ ޔޫސުފް ޝަފީޢު (ޔޫއްޕެ) ބުނީ، މިއީ ވަރަށް މޮޅު ވާހަކައެއްގެ މައްޗަށް އުފައްދާފައިވާ ސީރީޒްއެއް ކަމަށާއި، މިހާތަނަށް ކުރެވުނު މަސައްކަތްތަކުގެ ތެރެއިން މިއީ އެންމެ ފުރިހަމަ އެއް މަސައްކަތް ކަމަށެވެ.

މި ވާހަކަ އަކީ މަޝްހޫރު ލިޔުންތެރިޔާ މަރިޔަމް މޫސާ (މަރީ)ގެ ވާހަކައަކަށް އުފައްދާފައިވާ ސިލްސިލާއެއް. ސްކްރީން ޕްލޭވެސް ތައްޔާރު ކޮށްފައިވަނީ މަރީ. މީހެއްގެ މަރުގެ ހަޤީޤަތް ދެނެގަތުމަށްޓަކައި އޭނާގެ އާއިލާއިން ކުރަމުންދާ މަސައްކަތާއި، އެ މަސައްކަތުގެ ތެރެއިން ދިމާވާ އެކި އެކި ހާދިޘާތަކެއްގެ މައްޗަށް މުޅި ސީރީޒް ބިނާވެފައިވަނީ. އެންމެ ހާއްޞަ ކަމެއްގެ ގޮތުގައި ފާހަގަ ކޮށްލެވޭ ކަމަކީ، ކޮންމެ އެޕިސޯޑެއްގައިވެސް ވަކި ހާދިޘާއެއް އެކުލެވޭކަން – ދެލި އޮންލައިނާ ވާހަކަ ދައްކަމުން ޔޫއްޕެ ބުންޏެވެ.

އިތުރަށް ޔޫއްޕެ ބުނީ، ކޮންމެ ސީރީޒްއެއް ނިމޭއިރު ދެން އަންނަ ސީރީޒް ބަލާލުމަށްޓަކައި ބެލުންތެރިންގެ ޝައުޤުވެރިކަން ހުންނާނެކަމާމެދު ޝައްކު ނުކުރާ ކަމަށާއި، މިއީ ވަރަށް ގިނަ ސަސްޕެންސްތަކެއްގެ މައްޗަށް އެކުލެވޭ މޮޅު ޑްރާމާއެއް ކަމަށެވެ.

އެރެއަށްފަހުގެ ލީޑްރޯލް ކުޅެނީ އާޝާއާ ޔޫއްޕެއެވެ. މީގެ އިތުރުން ޝިފާއާ ޖިމީވެސް ސަޕޯޓިންގ އެކްޓްރެސްއެއްގެ ގޮތުގައި ފެނިގެންދާނެއެވެ.

މި ޑްރާމާ ސީރީޒް އަކީ ދެކެދެކެވެސް ޕްރޮޑަކްޝަންގެ އުފެއްދުމެކެވެ. މި ޕްރޮޑަކްޝަންގެ ކޮންމެ އުފެއްދުމަކީވެސް ބެލުންތެރިންގެ މެދުގައި ނުހަނު މަޤުބޫލުކަން ހޯދި އުފެއްދުން ތަކެކެވެ.