އީރާނުން ރޭ ދިން ވަރުގަދަ ހަމަލާތަކުގައި އިޒުރޭލަށް ބޮޑެތި ގެއްލުންތަކެއް ވެއްޖެ އެވެ.
ޔަހޫދީން އީރާނަށް ހަމަލާ ދޭން ފެށީ މިދިޔަ ހުކުރު ދުވަހުގެ ރޭ ދަންވަރުގެ ވަގުތެއްގަ އެވެ. އެ ހަމަލާތަކުގެ ބަދަލު ހިފުމުގެ ގޮތުން އިރާނުން ރޭ ދޭން ފެށި ވަރުގަދަ ހަމަލާ ތަކުގައި ޑްރޯން އާއި މިސައިލް ބޭނުން ކޮށްގެން އިޒުރޭލުގެ ތެޔޮ ރައްކާކުރާ ކާރުހާނާތަކާއި ކަރަންޓު ވިއުގަ ތަކަށް ބޮޑެތި ގެއްލުންތަކެއް ދީފައިވެ އެވެ.
ޔަހޫދީ މީޑިއާއިން ބުނެފައިވާ ގޮތުގައި އީރާނުގެ ހަމަލާތައް ހައިފާގައި ހުރި އެމޯނިޔާ ޓޭންކު ތަކަކަށް ވެސް އަރާފައިވެ އެވެ. އަދި ޕްރެސިޝަން ޑްރޯން ބޭނުން ކޮށްގެން އަލް ޖަލީލުލް އައުލާއާއި އަލް ޖަލީލުލް ގަރީބީ އާއި އައްނާސިރާގެ އިތުރުން އަލް އަފޫލާއަށް ވެސް އީރާނުން ކާމިޔާބު ކަމާ އެކު ހަމަލަތައް ދީފައިވެ އެވެ.
އޭއެފްޕީން ބުނެފައިވާ ގޮތުގައި އީރާނުން ރޭ ދިން ހަމަލާތަކުގައި އިޒުރޭލުގެ ކުޑަކުދިން ހިމެނޭ ގޮތަށް އަށް މީހަކު މަރުވެ 200 އަށްވުރެ ގިނަ މީހުންނަށް ވަނީ އަނިޔާވެފަ އެވެ. އަދި އަނިޔާވި މީހުންނަށް ހަތަރު ހޮސްޕިޓަލެއްގައި ފަރުވާދެމުން އަންނައިރު، އޭގެ ތެރެއިން ހަތް މީހަކު އޮތީ ސީރިއަށް ހާލަތުގައި ކަމަށް ވެސް ރިޕޯޓުތައް ބުނެ އެވެ.
އީރާނުން ރޭ ދީފައިވާ ހަމަލާތަކަކީ އެ ގައުމުން އިޒުރޭލާ ދެކޮޅަށް މިހާތަނަށް ދީފައިވާ އެންމެ ވަރުގަދަ ހަމަލާކަން ފާހަގަކޮށްލެވެ އެވެ.
ކޮމެންޓް