އޮސްޓްރޭލިއާގެ އިދިކޮޅު ލިބަރަލް ޕާޓީގެ އަހަރީ ކޮންފަރެންސްގައި ބައިވެރިވެވަޑައިގަތުމަށް އެމްޑީޕީގެ ޗެއާޕާސަން ފައްޔާޒް އިސްމާއިލް އޮސްޓްރޭލިއާ އަށް ވަޑައިގެންފި އެވެ.

ކުރީގެ އިކޮނޮމިކް މިނިސްޓަރުގެ އިންޓަނޭޝަނަލް ޑިމޮކްރެޓިކް ޔޫނިއަން (އައިޑީޔޫ) ގެ ސިސްޓާ ޕާޓީ، ލިބަރަލް ޕާޓީގެ އަހަރީ ކޮންފަރެންސްގައި ބައިވެރިވެވަޑައިގަތުމަށް ލިބިވަޑައިގަތް ދައުވަތަކަށް ކުރައްވާ ދަތުރެކެވެ. ހަތަރު ދުވަހުގެ ދަތުރުޅުގައި ލިބަރަލް ޕާޓީއާ އެކީ ގިނަ މަޝްވަރާތަކެއް ކުރެވި، އެމްޑީޕީގެ ތަޖުރިބާތައް ހިއްސާކުރުމަށް ވެސް ހަމަޖެހިފައިވެ އެވެ.

މި ދަތުރުގައި ފައްޔާޒާ އެކީ އެމްޑީޕީ ތަމްސީލް ކުރެއްވުމަށް ކުރީގެ އެންވަޔަރަމަންޓް މިނިސްޓަރު އައިމިނަތު ޝައުނާ އާއި އަދި ގައުމީ މަޖިލީހުގެ މެންބަރު މުހައްމަދު ޖައިޝް ވެސް ބައިވެރިވެވަޑައިގަންނަ އެވެ.