"ކިޑްސް އެތްލެޓިކްސް ޑޭ 2025" ނިންމުމުގެ ރަސްމިއްޔާތު، ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު، ޝަރަފުވެރި ކޮށްދެއްވައިފި އެވެ.
މި ހަރަކާތް ކުރިއަށް ދިޔައީ މިއަދު ހަވީރު ހުޅުމާލޭ ސިންތެޓިކް ޓްރެކުގަ އެވެ.
ކިޑްސް އެތްލެޓިކްސް ޑޭ ހަރަކާތަކީ ކްލަބް ރޭސާސް އިން، އެތްލެޓިކްސް އެސޯސިއޭޝަން އޮފް މޯލްޑިވްސް، މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަން އަދި ޔުނިސެފް ގުޅިގެން ބޭއްވި އެއް ދުވަހުގެ ހާއްސަ ހަރަކާތެކެވެ.
މި ހަރަކާތުގައި ބައިވެރިވި ހުރިހާ ކުދީންނަށް މެޑަލް، ހަވާލު ކޮށްދެއްވީ ރައީސުލްޖުމްހޫރިއްޔާގެ އަނބިކަނބަލުންގެ އިތުރުން، ހެލްތު މިނިސްޓަރު އަބްދުﷲ ނާޒިމް އާއި ސްޕޯޓްސް ކޮމިޝަނަރު މުޙައްމަދު ތޮލާލް، އާއި ޔުނިސެފުން ރާއްޖެއަށް ކަނޑައަޅާފައި ހުންނަވާ ރެޕްރެޒެންޓޭޓިވް ޑރ. އެޑްވާޑް އަޑާއީ އަދި އެތްލެޓިކްސް އެސޯސިއޭޝަންގެ ރައީސް މުޙައްމަދު މުސްތަފާ އެވެ.
ކިޑްސް އެތްލެޓިކްސް ޑޭގެ މަގުސަދަކީ ކުޑަކުދީންގެ މެދުގައި ދުޅަހެޔޮ އާދަތައް އާލާ ކުރުމަށް ހިތްވަރު ދިނުމެވެ.
ކޮމެންޓް