ދިވެހި ހައްޖު މިޝަންގެ މެންބަރުން ސައުދީއަށް ފުރައިފި

މި އަހަރުގެ ހައްޖު މިޝަންގެ މެންބަރުން -- ފޮޓޯ/ އިސްލާމިކް މިނިސްޓްރީ

ރާއްޖޭގެ ހާޖީންގެ ކަންކަން ބެލެހެއްޓުމަށް ސަރުކާރުގެ ފަރާތުން ހަރަކާތްތެރިވާ ހައްޖު މިޝަންގެ މެންބަރުން ސައުދީ އަރަބިއްޔާއަށް ފުރައިފި އެވެ.

އިސްލާމިކް މިނިސްޓްރީން ބުނީ ދިވެހި ހާޖީންނަށް ކަންކަން ފަސޭހަކޮށްދިނުމަށް، ސައުދީގެ ކަމާ ބެހޭ ފަރާތްތަކާ ގުޅިގެން ގިނަ މަސައްކަތްތަކެއް މި މިޝަން އިން ކުރަމުންދާނެ ކަމަށެވެ.

ހައްޖާޖީންގެ އިންތިޒާމުތައް ރަސްމީ ގޮތެއްގައި ބެލެހެއްޓުމުގެ ގޮތުން ހަރަކާތްތެރިވާ ހައްޖު މި ޝަންގައި އެކި ދާއިރާ ތަކުގެ ބޭފުޅުން ހިމެނެ އެވެ.

އޭގެ ތެރޭގައި މިނިސްޓްރީގެ ހައްޖު ސެކްޝަންގެ ބޭފުޅުންނާއި، ހައްޖު ކޯޕަރޭޝަން ތަމްސީލު ކުރައްވާ ބޭފުޅުންނާއި، ދީނީ އިލްމުވެރީންނާއި ޑޮކްޓަރަކާއި މިނިސްޓްރީގެ މީޑިއާ ހިމެނެ އެވެ.

މި އަހަރުގެ ހައްޖުގެ މަތިވެރި އަޅުކަމަށް ރާއްޖެއިން 1000 މީހުން ހައްޖުގެ އަޅުކަމަށް ފުރާނެ އެވެ.

އިސްލާމިކް މިނިސްޓްރީ