މި އަހަރުގެ އޯލެވެލް އިމްތިހާނު މިއަދު ފަށައިފި އެވެ.
އެޑިއުކޭޝަން މިނިސްޓްރީން ބުނީ މި އަހަރުގެ އޯލެވެލް އިމްތިހާނު ތަކުގައި 260 ސެންޓަރަކުން 8،364 ދަރިވަރުން ބައިވެރިވާނެ ކަމަށެވެ.
ދިރާސީ އަހަރަށް ގެނައި ބަދަލުތަކާއެކު، މިހާރު ގުރޭޑު 10ގައި ކިޔަވަމުން އަންނަ ކުދިން އޯލެވެލް ހަދާނީ އަންނަ އަހަރުގެ ފެބްރުއަރީ މާޗުގަ އެވެ. އޭގެ އިތުރުން ނުވައެއްގައި ކިޔަވަމުން އަންނަ ދަރިވަރުން އޯލެވެލް ހަދާނީ އަންނަ އަހަރުގެ އޮކްޓޯބަރު ނޮވެންބަރުގަ އެވެ.
މިނިސްޓްރީން ބުނި ގޮތުގައި 260 ސެންޓަރެއްގައި އޯލެވެން އިމްތިހާނު ކުރިއަށް ގެންދާނެ އެވެ. އޭގެ ތެރޭގައި ހިމެނެނީ މާލެ ސަރަހައްދުގެ 23 ސެންޓަރަކާއި، އަތޮޅު ތެރެއިން 237 ސެންޓަރެކެވެ.
އެންމެ ފުރަތަމަ ކުރިއަށް ގެންދާނީ އިސްލާމް އަދި ދިވެހި އިމްތިހާނު ތަކެވެ. އެއަށްފަހު ކެންބްރިޖް އެގްޒާމްތައް ފަށާނެ އެވެ.
އަންނަ އަހަރުގެ ދިރާސީ އަހަރުން ފަށައިގެން އޯލެވެލް އިމްތިހާނުތައް ބާއްވާނީ އޮކްޓޫބަރު އަދި ނޮވެމްބަރުމަހުގަ އެވެ.
ކޮމެންޓް