ދ. އަތޮޅުގެ ރައްޔިތުންގެ ޕިކްނިކް އައިލެންޑެއްގެ ގޮތުގައި ހަމަޖެއްސި އެ އަތޮޅު އުއްދޫ މާދަމާއިން ފަށައިގެން ހުޅުވައިލަން ނިންމައިފި އެވެ.
ލޯކަލް މިނިސްޓަރު އާދަމް ޝަރީފު އުމަރު ކުރެއްވި އެކްސް ޕޯސްޓެއްގައި ވިދާޅުވީ މާދަމާއިން ފެށިގެން ހަފުތާ ބަންދު ދުވަސް ތަކާއި، ސަރުކާރު ބަންދު ދުވަސްތަކުގައި ދ. އަތޮޅުގެ ރައްޔިތުންނަށް ކުއްޔަކާ ނުލައި އެ އަތޮޅު އުއްދޫއަށް ޕިކްނިކް ދެވޭނެ ގޮތަށް ހަމަޖެހިފައިވާ ކަމަށެވެ.
އުއްދޫގެ ޕިކްނިކު ދަތުރުގެ ކަންތަކާ ގުޅޭގޮތުން އިތުރު މައުލޫމާތު ހޯދުމަށް ގުޅާނީ 9108899، އަދި 7777848 ނަންބަރަށެވެ.
ދ. އަތޮޅުގެ ރައްޔިތުން ދަތުރުދާ ރަށެއްގެ ގޮތުގައި އެ އަތޮޅު އުއްދޫ، ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ހަމަޖައްސަވައި ދެއްވާ، އެ ރަށް ވަނީ މިނިސްޓްރީ އޮފް ސިޓީސް، ލޯކަލް ގަވަރުމަންޓް އެންޑް ޕަބްލިކް ވޯކްސްއާ ހަވާލުކުރައްވާފަ އެވެ.
އުއްދޫ ބޭލެހެއްޓުމަށް ޓަކައި މިނިސްޓްރީގެ ޓީމެއް އެ ރަށުގައި ހަރަކާތްރިވަމުން އަންނަތާ ދުވަސްކޮޅެއް ވެއްޖެ އެވެ.
މިނިސްޓްރީން އަންނަނީ ދަތުރުދާ ފަރާތް ތަކަށް ގިނަގުނަ ހިދުމަތްތަކެއް އެ ރަށުން ހަމަޖެހޭނެ ގޮތް ހަދައިދިނުމަށް މަސައްކަތް ތަކެއް ކުރަމުންނެވެ.
ކޮމެންޓް