ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އިސްލާމީ ދާއިރާގެ ވައުދު ތަކުގެ ތެރެއިން ށ. މިލަންދޫގައި އިސްލާމީ މަރުކަޒެއް އެޅުމަށް ސަރުކާރު ހިއްސާވާ ކުންފުންޏަކާ ހަވާލު ކޮށްފި އެވެ.
އިސްލާމިކް މިނިސްޓްރީން މި މައްސައްކަތް ހަވާލު ކުރީ އެމްޓީސީސީ އާ އެވެ.
އިސްލާމީ މަރުކަޒުގެ ޖަލްސާ ކުރާ މާލަމުގައި މިއަދު ބޭއްވި ހާއްސަ ރަސްމިއްޔާތެއްގެ ތެރެއިން މި އެއްބަސްވުމުގައި މިނިސްޓްރީންގެ ފަރާތުން ސޮއި ކުރެއްވީ ވަޒީރު ޑރ. މުޙައްމަދު ޝަހީމް އަލީ ސައީދު އެވެ. އަދި އެމްޓީސީސީގެ ފަރާތުން ސޮއި ކުރެއްވީ އެމްޓީސީސީގެ މެނޭޖިން ޑިރެކްޓަރު ޑީސީޕީ (ރޓޑ) އަހުމަދު ސައުދީ އެވެ.
އެ މިނިސްޓްރީން ބުނިގޮތުގައި މިލަންދޫގައި އަލަށް އަޅާ އިސްލާމީ މަރުކަޒު ތަކުގައި ވެސް ނަމާދު ކުރާ ޖާގައިގެ އިތުރުން ކުލާސް ރޫމާއި ޖަލްސާ ކުރާ ހޯލެއް ވެސް ހިމެނޭނެ އެވެ. އަދި އިސްލާމީ މަރުކަޒު ތަކުގައި ދީނީ އިލްމު ފެތުރުމާއި، އިސްލާމީ ލައިބްރަރީ ގާއިމު ކުރުމަކީ މި ސަރުކާރުގެ އަމާޒެކެވެ.
ކޮމެންޓް