ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ދާދި ފަހުން ހުޅުމާލެއިން ބޮޑު އެޕާޓުމެންޓެއް ގަނެ، އެއްފަހަރާ 8.5 މިލިއަން ރުފިޔާ ދައްކާފައި ކަމަށް ބުނެ، މީޑިއާގައި ފަތުރާ ވާހަކަތައް އޭނާ ދޮގު ކުރައްވައިފި އެވެ.
ފަހުމީއާ ބެހޭގޮތުން މީޑިއާގައި ރިޕޯޓުކޮށްފައިވާ ގޮތުގައި އޭނާ ވަނީ ވަރަށް ފަހުން ހުޅުމާލެއިން އަގުބޮޑު އެޕާޓްމަންޓެއް ގަނެފަ އެވެ. އަދި މި އެ ޕާޓަމެންޓް ގަނެފައި ވަނީ އެއްފަހަރާ 8.5 މިލިއަން ރުފިޔާއަށް ވުރެ، ގިނަ ރުފިޔާ ދެއްކުމަށްފަހު އެވެ.
މި ތުހުމަތާ ގުޅުއިގެން ފަހުމީ މިރޭ ކުރެއްވި އެކްސް ޕޯސްޓެއްގައި ވިދާޅުވީ އެ އިޝާރާތް ކުރާ ފުލެޓަކީ، ކުރީގެ ރައީސް ޔާމީންގެ ވެރިކަމުގައި، މީގެ އަހަރު ތަކެއް ކުރިން އޭނާ ގަނެ، ފައިސާ ދައްކަމުން އައިސްފައިވާ ފްލެޓެއް ކަމަށެވެ.
ފަހުމީ ވަނީ ސިޔާސީ މަގުސަދެއް ހާސިލު ކުރުމަށް ނަމަވެސް، މީހުންގެ އަބުރަށް ހުތުރުވާ ގޮތަށް، އެ ފަދަ ދޮގު ވާހަކަތައް އުފައްދައި ފަތުރަމުންދާ ފަރާތް ތަކުން އެ ކަން ވަގުތުން ހުއްޓާލުމަށް އިލްތިމާސް ކުރައްވާފަ އެވެ.
"ސްޓެލްކޯގެ މެނޭޖިން ޑިރެކްޓަރުގެ މަގާމާ ހަވާލުވުމަށްފަހު 8.5 މިލިއަން ރުފިޔާއަށް ފުލެޓެއް ގަތް ކަމަށް ބުނެ، ބައެއް ފަރާ ފަރާތް ތަކުން އަޅުގަނޑުގެ އަބުރަށް އަރައިގަނެ، ސިޔާސީ މަގުސަދެއް ހާސިލު ކުރުމަށް ފަތުރަމުންދާ ވާހަކަ އަކީ ހަގީގަތާ ހިލާފު، އަސާސެއްނެތް ދޮގު ވާހަކައެއް ކަން ދަންނަވަން،" ފަހުމީ ވިދާޅުވި އެވެ.
ފަހުމީ ވިދާޅުވީ ސިޔާސީ ގޮތުންނާއި އަދި އެ ނޫން ގޮތަކުން ވިޔަސް، ސްޓެލްކޯގެ މެނޭޖިން ޑިރެކްޓަރުގެ މަގާމުގައި ހުރެ، އޭނާ ކުރަމުންދާ ގައުމީ މަސައްކަތާ ގުޅުވައިގެން ދެކެވޭ ބިނާކުރަނިވި ފާޑުކިޔުންތަކަށް އަބަދު ވެސް އިހުތިރާމުކޮށް، މަރުހަބާ ކިޔާނެ ކަމަށެވެ.
ކޮމެންޓް