ރާއްޖޭގެ 32 ރަށެއްގައި ކުނި މެނޭޖު ކުރާ ވަސީލަތްތަކާއެކު އެ ކަމަށް ބޭނުންވާ މަރުކަޒުތައް ގާއިމު ކުރުމުގެ މަސައްކަތް ރަސްމީކޮށް ވޭސްޓް މެނޭޖުމެންޓް ކޯޕަރޭޝަން (ވެމްކޯ)އާއި ހަވާލުކޮށްފި އެވެ.
ދަރުބާރުގޭ ހަލަވެލި މާލަމުގައި އިއްޔެ ބޭއްވި ހާއްސަ ރަސްމިއްޔާތުގައި އެ ކަމުގެ އެއްބަސްވުމުގައި އެންވަޔަރެންމެންޓް އެންޑް ޓޫރިޒަމް މިނިސްޓްރީގެ ފަރާތުން ސޮއި ކުރެއްވީ މިނިސްޓަރު ތޯރިގް އިބްރާހީމެވެ. އަދި ވެމްކޯގެ ފަރާތުން ސޮއި ކުރެއްވީ ކުންފުނީގެ މެނޭޖިން ޑިރެކްޓަރު މުޖްތަބާ ޖަލީލެވެ.
މިދިޔަ ފެބުރުއަރީ މަހުވެސް ވެމްކޯއާ ވަނީ ދެ ރަށެއްގެ މަސައްކަތް ހަވާލުކޮށްފަ އެވެ. އެހެންވެ، އިއްޔެ ސޮއި ކުރި 32 ރަށާއެކު ޖުމުލަ 34 ރަށުގެ ތެރެއިން 21 ރަށެއްގައި އައު އިމާރާތެއް އަޅާނެ އެވެ. ދެން ހުރި ރަށްރަށުގައި ކުރިއަށް ގެންދާނީ އަޕްގްރޭޑިން މަސައްކަތްތަކެވެ.
ވެމްކޯއާ ހަވާލުކުރި ރަށްރަށަކީ:
1. ހއ އަތޮޅުން ދިއްދޫ، ހޯރަފުށި، އިހަވަންދޫ، ވަށަފަރު.
2. ހދ. އަތޮޅުން ކުޅުދުށްފުށި.
3. ކ. އަތޮޅުން ދިއްފުށި، ގާފަރު، ގުޅި.
4. މ. އަތޮޅުން މަޑުއްވަރި، ނާލާފުށި ރަތްމަންދޫ ވޭވަށް.
5. ފ. އަތޮޅުން ބިލެއްދޫ، ދަރަބޫނދޫ، ފީއަލި.
6. ތ. އަތޮޅުން ދިޔަމިގިލި، ގާދިއްފުށި، ހިރިލަންދޫ ކަނޑޫދޫ، ވޭމަންޑޫ، ވިލުފުށި.
7. ލ އަތޮޅުން ހިތަދޫ، އިސްދޫ، ކަލައިދޫ، ކުނަހަންދޫ، މާބައިދޫ، މާމެންދޫ، މާވަށް، މުންޑޫ.
8. ގދ. އަތޮޅުން ތިނަދޫ.
9. ޏ. އަތޮޅުން ފުވައްމުލައް.
10. ސ. އަތޮޅުން ހުޅުމީދޫ.
11. ދ. އަތޮޅުން ހުޅުދެލި، މީދޫ.
ކޮމެންޓް