ރޯދަ މަހަކީ އިސްލާމްދީނުގެ ދިފާއުގައި އެންމެ މަތިވެރި ގުރުބާނީތައް ވެވުނު މައްސަރު ކަމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވެއްޖެ އެވެ.
ރައީސް މިހެން ވިދާޅުވީ ދިވެހި ގައުމިއްޔަތު ދިރުވާ އާލާ ކުރުމުގެ ދުވަހާ ގުޅުވައިގެން ކުރެއްވި އެކްސް ޕޯސްޓެއްގަ އެވެ.
ރަމަޟާން މަހަކީ އިސްލާމް ދީނުގެ ދިފާއުގައި އެންމެ މަތިވެރި ގުރުބާނީތައް ވެވުނު މައްސަރުކަން ފާހަގަ ކުރައްވައި ރައީސް ވިދާޅުވީ އިސްލާމް ދީނަކީ ދިވެހި ގައުމިއްޔަތުގެ މަދުކަމަށެވެ.
އެމަނިކުފާނު ވިދާޅުވީ ދިވެހީންގެ ސަލާމަތާއި ދެމިތިބުމަށް ޓަކައި މާތް ވެގެންވާ އިސްލާމް ދީނަށް ނަސްރުދީ ބަހާއި އަމަލުން އިސްލާމް ކަން ފައުޅު ކުރުމަކީ ވަރަށް މުހިއްމު ކަމެއް ކަމަށެވެ.
"ބަރަކާތްތެރި ރަމަޟާން މަހަކީ އިސްލާމްދީނުގެ ދިފާއުގައި އެންމެ މަތިވެރި ގުރުބާނީތައް ވެވުނު މައްސަރެވެ. އިސްލާމް ދީނަކީ ދިވެހި ގައުމިއްޔަތުގެ މަދެވެ. ދިވެހީންގެ ސަލާމަތާއި ދެމިތިބުމަށް ޓަކައި މާތްވެގެންވާ އިސްލާމް ދީނަށް ނަސްރުދީ ބަހާއި އަމަލުން އިސްލާމްކަން ފައުޅުކުރުން މުހިއްމެވެ،" ރައީސް ވިދާޅުވި އެވެ.
ކޮމެންޓް