ޓޫރިޒަމް އެންޑް އެންވަޔަރަމަންޓް މިނިސްޓަރު ތޯރިގު އިބްރާހީމް ބައިވެރިވެވަޑައިގެންނެވި ޔޫއެން ޓޫރިޒަމް މިނިސްޓަރުންގެ ސަމިޓުގައި ދުނިޔޭގެ ފަތުރުވެރިކަމުގެ ސިނާއަތު ވަރުގަދަ ކުރުމާއި އިންވެސްޓްމަންޓް އިތުރު ކުރުމާ ގުޅޭ މުހިންމު މަޝްވަރާ ތަކެއް ކުރެވިއްޖެ އެވެ.
މި ސަމިޓުގައި މިނިސްޓަރު ތޯރިގު ވަނީ ފަތުރުވެރި ކަމުގެ ދާއިރާގައި އިންވެސްޓްމަންޓް އިތުރު ކުރުމާއި، އަމާންކަން ގާއިމު ކުރުމާއި، އަދި ގްލޯބަލް ޓޫރިޒަމް ރެސިލިއަންސް ވަރުގަދަ ކުރުމާ ގުޅޭ ގޮތުން މަޝްވަރާ ކުރައްވާފަ އެވެ.
ބައިނަލްއަގުވާމީ ފެންވަރުގައި ބޭއްވުނު މި މުހިންމު ބައްދަލުވުމުގައި ދުނިޔޭގެ އެކި ގައުމު ތަކުގެ ޓޫރިޒަމް މިނިސްޓަރުންނާއި އިސް ވެރީން ބައިވެރިވެވަޑައިގެންނެވި އެވެ.
މި ބައްދަލުވުމަކީ ފަތުރުވެރިކަމުގެ ސިނާއަތު ކުރިއެރުވުމަށް ބޭއްވުނު މުހިންމު ބައްދަލުވުމެއް ކަމުގައި ފާހަގަ ކުރެވެ އެވެ.
ކޮމެންޓް