އދ. ދިގުރަށުން މާލެއަށް ދަތުރު ކުރި ލޯންޗެއް ބަންޑުން ޖަހާލައި 44 މީހުންނާއި ހަތަރު ކުއްޖަކު ކަނޑުވެފައި ތިއްބާ މިއަދު ސަލާމަތްކޮށްފިއެވެ.
ފުލުހުން ވިދާޅުވީ މާލެ ދަތުރުކުރި "ހުވަން" ނަމަކަށް ކިޔާ ލޯންޗެއް އަޑިއަށްދާ ކަމުގެ މައުލޫމާތު ލިބުނީ މިއަދު ހެނދުނު 7:57 ގައި ކަމަށެވެ. މި ލޯންޗުގައި 45 ފަސިންޖަރުންނާއި ތިން ފަޅުވެރިން ތިބި ކަމަށް ފުލުހުން ވިދާޅުވިއެވެ
ކަނޑުވި މީހުންގެ ތެރޭގައި ދިވެހިންނާއި ފަތުރުވެރިން ވެސް ހިމެނެއެވެ. ސަލާމަތް ކުރި އެންމެން ވެސް މިހާރު ވަނީ ދިގުރަށަށް ގެންގޮސްފައެވެ.
މި އެންމެންގެ ވެސް ސިއްހީ ހާލު ރަނގަޅެވެ.
މި ހާދިސާ ހިނގި ސަބަބު ދެނެގަތުމަށް ތަހުގީގެއް ފަށާފައިވާ ކަމަށް ފުލުހުން ވިދާޅުވިއެވެ. މި އޮޕަރޭޝަންގައި އަވަސް ފިޔަވަޅުތަކެއް އަޅައި، ސަލާމަތްކުރުމުގެ މަސައްކަތުގައި ބައިވެރިވި އެންމެންނަށް ފުލުހުން ވަނީ ޝުކުރު އަދާކޮށްފައެވެ.
ކޮމެންޓް