ދ. އަތޮޅުގެ މީހުން ދިރިއުޅޭ ހުރިހާ ރަށަކަށް ކުރައްވާ ދަތުރުފުޅެއްގައި ރައީސް ޑރ. މުޙައްމަދު މުއިއްޒު މިއަދު މެންދުރުފަހު ފުރާވަޑައިގެންފި އެވެ.
ރައީސް އޮފީހުން ބުނީ އެމަނިކުފާނުގެ މި ދަތުރުފުޅުގައި ދ. އަތޮޅުގެ ހުރިހާ ކައުންސިލްތަކާއި، އަންހެނުންގެ ތަރައްގީއަށް މަސައްކަތް ކުރާ ކޮމިޓީ ތަކާއި، އެ ރަށްރަށުގެ ބައެއް މުއައްސަސާ ތަކުގެ އިސްވެރީންނާ ބައްދަލުކޮށްލު ކުރައްވާނެ ކަމަށެވެ.
މީގެ އިތުރުން ރަށްރަށުގެ ތަރައްގީއަށް ޓަކައި ކުރިއަށްގެންދިއުމަށް ނިންމާފައިވާ ބައެއް މަޝްރޫއުތައް ފަށްޓަވައިދެއްވުމާއި، ނިމިފައިވާ ބައެއް މަޝްރޫއުތައް އިފުތިތާހުކޮށްދެއްވާނެ ކަމަށް ވެސް ބުންޏެވެ.
މި ދަތުރުފުޅުގައި ރައީސްގެ އަރިހުގައި ބައެއް ވަޒީރުންނާއި، ސަރުކާރުގެ ބައެއް ކުންފުނި ތަކުގެ ވެރީން ބައިވެރިވެވަޑައިގަންނަވަ އެވެ.
ރައީސްގެ މި ދަތުރުފުޅު ނިންމަވާލައްވައި، މާލެ ވަޑައިގަންނަވާނީ އަންގާރަ ދުވަހު އެވެ.
ކޮމެންޓް