އިލެކްޝަންސް ކޮމިޝަން (އީސީ)ގެ ރައީސް ކަމަށް މުޙައްމަދު ޒާހިދު، އަދި ނައިބު ރައީސް ކަމަށް އަބްދުއްރަހްމާން ސަލާހް ރަޝީދު އައްޔަން ކުރަން މަޖިލީހުން ރުހުން ދީފި އެވެ.
މި ދެބޭފުޅުންގެ ތެރެއިން ޒާހިދު އައްޔަންކުރަން ފެންނަ ކަމަށް ވޯޓު ދެއްވީ 68 މެންބަރުންނެވެ. އަދި ނައިބު ރައީސް ކަމަށް ސަލާހް އައްޔަން ކުރަން ފާސްވީ 69 މެންބަރުންގެ ވޯޓުންނެވެ.
އޭގެ ތެރެއިން ޒާހިދު ވަނީ މީގެ ކުރިން ހިއުމަން ރައިޓްސް ކޮމިޝަން (އެޗްއާރްސީއެމް)ގެ ނައިބު ރައީސްކަމާއި އެޗްއާރްސީއެމްގެ މެންބަރުކަމުގެ އިތުރުން ޖެންޑާ މިނިސްޓްރީގެ ޑެޕިއުޓީ މިނިސްޓަރުކަން ވެސް ކުރައްވައިފަ އެވެ.
ސަލާހަކީ މީގެ ކުރިން އީސީގެ ސެކެރެޓްރީ ޖެނެރަލްގެ މަގާމާއި ހޯމް މިނިސްޓްރީގެ ޕާމަނަންޓް ސެކެރެޓްރީގެ މަގާމު އަދާކުރައްވާފައިވާ ފަރާތެކެވެ.
ކޮމެންޓް