އެކި ދާއިރާތަކުން ސްޓެލްކޯގެ މުވައްޒަފުން ތަމްރީނު ކުރުމަށް ސިފައިންގެ ވެލްފެއާ ކުންފުނި (ސިވެކް) އާއިއެކު އެއްބަސްވުމެއްގައި މިއަދު ސޮއިކޮށްފި އެވެ.
މި އެ އެއްބަސްވުމުގައި ސްޓެލްކޯގެ ފަރާތުން ސޮއި ކުރެއްވީ މެނޭޖިން ޑިރެކްޓަރު ޙުސައިން ފަހުމީ އެވެ. އަދި ސިވެކްގެ ފަރާތުން ސޮއިކުރެއްވީ އެ ތަނުގެ މެނޭޖިން ޑިރެކްޓަރު ކާނަލް އަހުމަދު ޒުބައިރު އެވެ.
ސްޓެލްކޯއިން ބުނިގޮތުގައި މި އެއްބަސްވުމުގެ ދަށުން ސިފައިންގެ އެހީގައި ސްޓެލްކޯގެ މުވައްޒަފުންނަށް ތަފާތު ތަމްރީން ޕްރޮގްރާމްތައް ހިންގާނެ އެވެ.
އޭގެ ތެރޭގައި ލީޑާޝިޕް އެންހޭންސްމަންޓް ޕްރޮގްރާމް، ބޭސިކް ފަސްޓް އެއިޑް، ފަޔާ އެވެއާނެސް، އިންޑަސްޓްރިއަލް ފަޔާ ބްރިގޭޑް ކޯސް، ސެކިއުރިޓީ އޮފިސަރުންގެ ޓްރެއިނިން، ސުވިމިންގް އެންޑް ރެސްކިއު އަދި ލައިފް ކޯޗިން ޕްރޮގްރާމްތައް ހިންގުމަށް ހަމަޖެހިފައިވެ އެވެ.
ކޮމެންޓް