ރާއްޖޭގައި ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދިޔަ ބިދޭސީ އަންހެނަކު ޑީޕޯޓުކޮށްލައިފި އެވެ.
ހަށި ވިއްކި ކަމުގެ ތުހުމަތުގައި ހައްޔަރުކުރި މީހުންގެ ފޮޓޯއާއެކު އިމިގްރޭޝަން މިއަދު ކުރި އެކްސް ޕޯސްޓެއްގައި ބުނީ ރާއްޖޭގައި ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ ބިދޭސީން ހޯދުމަށްޓަކައި، އިމިގްރޭޝަނާއި ފުލުހުން ގުޅިގެން ހިންގި އޮޕަރޭޝަނެއް ހިންގާފައިވާ ކަމަށެވެ.
މި އޮޕަރޭޝަންގައި ބިދޭސީ އަންހެނަކާއި އެޖެންޓެއްގެ ގޮތުގައި މަސައްކަތްކުރި ފިރިހެނަކު ވަނީ އިމިގްރޭޝަންގެ ބެލުމުގެ ދަށަށް ގެނެސްފަ އެވެ.
އިމިގްރޭޝަނުން ބުނީ މި މައްސަލަ އިތުރަށް ތަހުގީގު ކުރުމަށްފަހު، މީގެ ތެރޭގައި ހިމެނޭ ބިދޭސީ އަންހެން މީހާ ޑިޕޯޓުކޮށްފައިވާ ކަމަށެވެ. އަދި އެޖެންޓެއްގެ ގޮތުގައި މަސައްކަތްކުރި ބިދޭސީ ފިރިހެން މީހާ ޑިޕޯޓު ކުރުމުގެ މަސައްކަތް މިހާރު ކުރަމުން އަންނަ ކަމަށް ވެސް އެ އިދާރާއިން ބުންޏެވެ.
ޑީޕޯޓުކޮށްލި އިންޑިއާ އަންހެންމީހާއަކީ ގީތާ ކުމާރަސާމީ އެވެ. އެޖެންޓުގެ ގޮތުގައި އުޅުނު ނޭޕާލް މީހާގެ ނަމަކީ ޗަތުރަ ބަހާދޫރު ވާޖީ، އެވެ.
ކޮމެންޓް