އެމްޑީޕީގެ ތިން ދާއިރާއެއްގެ ރައީސް ކަމަށް ކުރިމަތިލާން ހުޅުވައިލައިފި

އެމްޑީޕީގެ ތިން ދާއިރާއެއްގެ ރައީސް ކަމަށް ކުރިމަތިލާން ހުޅުވައިލުން - ފޮޓޯ/ އެމްޑީޕީ

އެމްޑީޕީގެ ތިން ދާއިރާއެއްގެ ހުސްވެފައިވާ މަގާމު ތަކަށް ކުރިމަތިލުމުގެ ފުރުސަތު ހުޅުވާލައިފި އެވެ.

އިދިކޮޅު އެންމެ ބޮޑު ޕާޓީ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ގައުމީ މަޖިލީހުން ހުސްވެފައި ވަނީ ހއ. ހޯރަފުށީ ދާއިރާގެ ރައީސް، ރ. އިނގުރައިދޫ ދާއިރާގެ ރައީސް އަދި ގއ. ވިލިނގިލީ ދާއިރާގެ ރައީސް ކަމުގެ މަގާމެވެ.

އެ މަގާމަށް ކުރިމަތި ލެވޭނީ މި މަހުގެ އެއް ވަނަ ދުވަހުގެ ކުރިން އެމްޑީޕީގެ މެންބަރެއްގެ ގޮތުގައި އިލެކްޝަންސްގެ ދަފުތަރުގައި ޖެހިފައިވާ މީހުންނަށް ކަމަށް އެ ޕާޓީން މިއަދު ކުރި އިއުލާނުގައި ބުނެފައިވެ އެވެ.

އޭގެ އިތުރުން ވޭތުވެދިޔަ ފަސް އަހަރު ތެރޭގައި އެމްޑީޕީގެ އަސާސީ ގަވާއިދާއި ހިލާފުވެފައި ނުވާ މެންބަރެއް ކަމުގައި ވާންޖެހެ އެވެ.

މި ބައި އިލެކްޝަންގައި ވާދަ ކުރަން ބޭނުންވާ މެންބަރުންނަށް ފޯމު ހުށަހަޅަން ދީފައިވާ އެންމެ ފަހު ސުން ގަޑިއަކީ މި މަހުގެ ހައެއް ވާ ހޯމަ ދުވަހުގެ 14:00އާ ހަމައަށެވެ.

އެމްޑީޕީ